KOLOSE 3:1 - KITAB NU TUMPU ALLA LELE MA'IMAI'

¹ Komiu po'ule'mo pinotumuu' hingga-hinggat tiba i Kristus. Mokonyo aijo' tionyo ahi' komiu bala usaha da mohumpak hahan anu i suluga', anu kiita' mae na i Kristus mompalentah hingga-hinggat tiba Tumpu.

KOLOSE 3:1 ပူးပေါင်းရင်းမြစ်များ

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

AMSAL 15:24

Mian anu pande montulu jalan anu mapindako anu mompanjolongi kantumuu'an; ka' misa jalan anu mintua anu mompanjolongi kasilakan.

ANU MOMPOLELE POTATAE NU TUMPU 10:2

Pantasnyomo ahi' de mian anu pande mombau kalakuan anu ma'ima; ka' mian anu ponga' mombau kalakuan anu ma'idek.

MATIUS 22:44

‘Tumpu notatae hi Tumpungku: Suhangmo i sasu koanan-Ku, sampe Aku mombau sampo bali' miu matundu' hi komiu.’

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

MATIUS 6:20

Panyo mule' limu' na halata' i suluga', iya na ane' ka' atak madi' mongidei, ka' tololang madi' toka montomang.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

MARKUS 12:36

Padahan posi i Daud – kalana binee'anmo balakat nu Tumpu Allah – notatae, ‘Tumpu, notatae hi Tumpungku: suhangmo i sasu koanan-Ku sampe Aku mombau to sampo-sampobali'-nu Belento minsuuluk hi Belento’.

MARKUS 14:62

“Akumo na Ia,” tinaaman i Yesus, “ka' komiu iwi-iwi' montoaje Anak nu Mian sumuhang i sasu koanan nu Tumpu Anu Talalo Susi' ka' toka mae i uno nu sehu' lengkat i langit!”

MARKUS 16:19

Noko potatae na i Tumpu Yesus tiba aha, Ia i hangkatmo nokiita' i suluga'. I kiita' mae Ia nompalentahmo hingga-hinggat tiba Tumpu.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 20:42

Padahan posi i Daud notatae i Kitab Mazmur, ‘Tumpu notatae hi Tumpungku: Suhangmo i sasu koanan-Ku,

LUKAS 22:69

Panyo otampu'uni uuka, Anak nu Mian sumuhangmo i sasu koanan nu Tumpu anu talalo Mongkuasai.”

SISIKON NU TO RASUL-RASUL 2:34

Posi i Daud madi' noliba' nokiita' i suluga', panyo i Daud notataemo, ‘Tumpu notatae hi Tumpungku:

SISIKON NU TO RASUL-RASUL 7:55

Panyo i Stefanus anu kinuasanmo nu Roh nu Tumpu, nonsinda langit. Ia nontoamo kadaka'an nu Tumpu ka' i Yesus tinuminjomo i tampat kakuasa'an sasu koanan nu Tumpu.

ROMA 8:34

Pa' daagi' ko mian anu mongka'oho' mompo sala' kita? I Kristus Yesus na montinjohi kita! Ia na anu sinilakamo, kabai memanga Iamo na po'ule'mo pinotumuu' salatan Ia sinilaka ka' kiita'mo mae hi Tumpu i tampat anu mongkuasai.

ROMA 8:6

De pikilanum kinuasanmo nu sipat nu mian, saba' ahennyo kapatean. Panyo de pikilanum kinuasanmo nu Roh nu Tumpu, saba' ahennyo aijo'mo na kantumuu'an ka' kadamean tiba Tumpu Allah.

2 KORINTUS 4:18

Kalana kami madi' mongka'ima'i hahan anu kantoan, panyo anu madi' kantoan. Anu kantoan ola montahan sasaingoni', panyo anu madi' kantoan aijo' pin sampe toka sidu-sidutu'.

EFESUS 4:10

Ka' Ia anu ninintau'mo aijo', Ia-iamo aijo' na noliba' tinoka i tampat anu lebe matangkas molingkudui langit iwi-iwi', sahingga songko-songko na dunia ingisian-Nyomo.

EFESUS 5:22

Bengkele', pohongo-hongo hi langkai'um, sumo hi Tumpu.

KOLOSE 2:20

Komiu sinilakamo hingga-hinggat tiba i Kristus, ka' pinobebasmo i to roh-roh anu mongkuasai dunia aiya. Jadi kadaka' komiu tumuu' sumo mian anu daagi' nukuasai nu dunia aiya? Kadaka' komiu tulu-tulutanmo i atulan anu susumo ha aiya,

KOLOSE 3:2

Oposa'angu' na pikilan miu i hahan anu i kiijo' boli i hahan anu i dunia aiya.

IBRANI 1:13

Tumpu madi' toho' notatae hi samian pe'e na malaikat sumo uuka: “Suhangmo i sasu koanan-Ku, sahingga anu mompaha bali' belento Ku popatundu'mo hi belento.”

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 10:12

Panyo i Kristus nonsombahkon poso' sa'angu' na koloban bau pongampuni dosa', ka' koloban aijo' montanggungimo sampe toka sidu-sidutu'. Noko lapas na nonsombahkon koloban aijo', i Kristus sinumuhangmo i sasu koanan nu Tumpu ka' nompalentahmo hingga-hinggat tiba Ia.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

IBRANI 8:1

Pinolengkatan nu anu sinisik iwi-iwi' aiya atina'mo: Kita daagi' ko Imam Daka' anu sumo aijo', anu sumuhang mompalentah hingga-hinggat tiba Tumpu Anu Matangkas na kuasanyo kiita' i suluga'.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.