KOLOSE 2:9 - KITAB NU TUMPU ALLA LELE MA'IMAI'

⁹ Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

KOLOSE 2:9 ပူးပေါင်းရင်းမြစ်များ

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

LUKAS 14:22

Lapas aijo', pokauhon aijo' notataemo, ‘Tuan, palentah i Tuan pinojalanmo, panyo tampat daagi' manjoo'.’

LUKAS 3:22

ka' Roh nu Tumpu nintau'mo i buan-Nyo sumo tomonsi' malapati'. Lantas i hongo na potatae nu Tumpu nontaloakon, “Beleyum na Anak-Ku, anu Kuku kalibosi. Beleyum momposanang kinyonyoang-Ku.”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

YOHANES 10:30

Aku tiba Tuuma sa'a-sa'angu'nyomo.”

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 14:20

De tokamo na sinaa aitu, osumbu'je miu taalu' Aku mosa'angu' tiba Tuuma, komiu mosa'angu' ka' Aku, ka' Aku mosa'angu' tiba komiu.

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

YOHANES 2:21

Panyo Laigan nu Tumpu anu pinatuan nu potatae i Yesus aijo'mo butong-Nyo.

SISIKON NU TO RASUL-RASUL 17:29

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.

2 KORINTUS 5:19

Kami nompolele Tumpu nompotimbalimo mian nompo'ule'mo na'ima' tiba butong-Nyo, kalana pinalesayamo hi Kristus. Tumpu nompotimbali aijo' madi'mo nongkikilai kasala'an anu binaumo nu mian hi butongnyo. Ka' kami pinalentahmo nu Tumpu da mompolele lele aijo'.

KOLOSE 1:19

Ola posi Tumpu na mongkahanda'i da iwi-iwi na apaa anu daagi' i butong nu Tumpu, daagi' suele ingko-ingkot hi butong nu Anak-Nyo.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

1 YOHANES 5:7

Totolu' na anu nonsakisi aijo':