KOLOSE 2:7 - KITAB NU TUMPU ALLA LELE MA'IMAI'

⁷ ka' mimbakatmo hi Ia. Tionyo ahi' komiu tumuu'mo hi Kristus salaku bau kahosonan. Tionyo ahi' komiu mompaka palesayamo hi Kristus, susumo apaa na ingajanakonmo hi komiu. Ka' tionyo ahi' kinyonyoa miu saja' montaloakon talima kase.

KOLOSE 2:7 ပူးပေါင်းရင်းမြစ်များ

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 92:13

Mian anu hodi' na kinyonyoanyo nilondekmo susumo kurma, ka' nolumba'mo na tinumuu' susumo kau' lontio' nu Libanon.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YEREMIA 17:8

Ia sumomo ahi' kau' isonibi nu kaunyo anu mo'ili, bakatnyo mo insu'mo toka-tokamo mokiijo' i uee. Ia na madi' ahi' mongkabuhuk tempo' nu posinaa, honnyo saja' molunou. Maumo ahi' lipu' nu tokaimo mae nu posinaa, ia na madi' ahi' mangada' kalana ia na saja' ahi' mimbua'.

LUKAS 6:48

Ia sumo mian anu tempo'nyo mompotinjo laigan mongkeke leleeng, lantas mombau mesennyo opokoko i batu. De toka na iyaba' ka' uee nu kaunyo moleetabi laigan aijo', laigan aijo' madi' opoko anjuhakon, kalana pinotinjomo i bawo nu mesen anu madodo.

ROMA 16:25

O puji' na Tumpu! Matangkas na Kuasanyo nompohosonmo palesaya nu kita Utus sumo anu tinulismo i Lele Ma'ima' anu lengkat mae hi Tumpu, anu pinolelengkumo mongkona i Yesus Kristus. Aku nompolele lele aijo' sumo anu pinonyata'mo nu Tumpu Allah; aijo'mo tanga'an nu Tumpu anu no atu-atumo na taun na kopinnyo ma'isa sinumbu' nu mian.

1 KORINTUS 1:8

Posi i Kristus na monjagai komiu sampe i mihinyo; da de tempo'nyomo Ia po'ule'mo toka, komiu otokai mae madi' ko ideknyo.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

2 KORINTUS 1:21

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!

EFESUS 5:20

Mau mule' pa' apaa tionyo komiu saja' montalima kase hi Tumpu Tuuma i uno nu sanggo i Yesus Kristus Tumpunto.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.

YUDAS 1:20

Panyo komiu, to Utu-utusku, saja' ahi' opokopiani na kantumuu'an miu mintoong i kapalesaya'an miu hi Yesus Kristus. Iman nu belemiu atina' talalo hondo susi'. Ka' suele balado'a ahi' i uno nu kuasa nu Roh nu Tumpu,

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.