KOLOSE 2:3 - KITAB NU TUMPU ALLA LELE MA'IMAI'

³ I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

KOLOSE 2:3 ပူးပေါင်းရင်းမြစ်များ

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

AYUB 28:21

Anu tumuu' ko nyawanyo ma'isa toho' nontoa ia, ka' suele tomonsi' aita' i langa madi' montoa ia.

AMSAL 2:4

Olio na aijo' susumo molio mosoni', ka'ololoi' na aijo' susumo mololoi' halata' anu sulu-suluk.

YESAYA 11:2

Kuasa nu Tumpu na mompotiju' ia, mompotimbali ia mingkinyonyoa ma'ima' ka' pande, pande na montantukan kaputusan ka' mompojalan kaputusan monsumbu' anu nukahanda'i nu Tumpu Allah ka' tulu-tulutan hondo hi Ia.

YESAYA 40:14

Ihe na lewa' bau pompokilawan nu Tumpu da timbali monsumbu' ka' mangalati'? Ihe na nompotiju' Ia da nompalentah madi' ko anu sinala'?

MATIUS 10:26

“Boli mabuhuk hi mian. Madi' ko anu sulu-suluk lantas madi' kantoan, ka' madi' ko anu pinohowini lantas madi' o hongo.

LUKAS 11:49

Aijo' na sababnyo Kapandean nu Tumpu notatae, ‘Ku saije mamba hi aha na to nabi-nabi ka' to posa-posaihon-Ku; sambagian o patei ka' sambagian o sakisa!’

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

1 KORINTUS 1:24

Panyo kona hi to mia-mian anu ilagamo nu Tumpu – pa' mian nu Yahudi kabai mian misa' Yahudi – lele aijo' salaku jalan nu Tumpu mompotoa kuasa-Nyo tiba kapandean-Nyo.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

EFESUS 1:8

Binau-Nyo na aijo' kalana Ia talalo hondo mongkalibosi kita, ka' pongkalibosi-Nyo aijo' binee'-Nyo hi kita mola-molabi montului jalan anu ko angga'-Nyo, ka' anu minsoop i akan.

KOLOSE 1:19

Ola posi Tumpu na mongkahanda'i da iwi-iwi na apaa anu daagi' i butong nu Tumpu, daagi' suele ingko-ingkot hi butong nu Anak-Nyo.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

KOLOSE 3:3

Kalana komiu sinilakamo, ka' kantumuu'an miu madi'mo kantoan tiba i Kristus hi Tumpu.

2 PETRUS 1:5

Mokonyo aijo', bala usaha totu-totu'u ka tataap palesaya hi Kristus ka' palesaya miu aijo' otiwai ahi' nu kantumuu'an anu ma'ima'. Tuangnyo nu kantumuu'an anu ma'ima' belemiu palalu ahi' timbali mian anu pande,

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”