KOLOSE 2:23 - KITAB NU TUMPU ALLA LELE MA'IMAI'

²³ Memang otoa han aijo' minsoop i akan, tiba mule' nupoto'i da mian monsombah malaikat, madi' timbali kobubuun, ka' monsakisa butong; panyo iwi-iwi' aijo' madi' ko kaliangannyo na bau pongkuasai napisu nu kinyonyoa nu mian.

KOLOSE 2:23 ပူးပေါင်းရင်းမြစ်များ

ROMA 13:14

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

EFESUS 5:29

Madi' toho' ko mian anu mongka'ideki posi butongnyo. Ola ahi' ia mompalakai ka' monjagai sumo i Kristus singkona mompalakai jama'at-Nyo.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

KOLOSE 2:22

Atulan aijo' iwi-iwi' mongkona hahan anu de opake madi'mo daagi' ko kaliangannyo. Aijo' ola to atu-atulan ka' pangajalan-pangajalan anu binau nu mian.

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

1 TIMOTIUS 4:3

Aha mongajan mian da boli mo'osoa ka' boli mongkaan kaanon anu tinantukanmo. Padahan kaanon aijo' pinotimbalimo nu Tumpu Allah da okaan ka' montalima kase hi Ia nu to mia-mian anu pinalesayamo hi Kristus, ka' nonsumbu'mo pangajalan anu totu'u lengkat mae hi Tumpu.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.