KOLOSE 2:20 - KITAB NU TUMPU ALLA LELE MA'IMAI'

²⁰ Komiu sinilakamo hingga-hinggat tiba i Kristus, ka' pinobebasmo i to roh-roh anu mongkuasai dunia aiya. Jadi kadaka' komiu tumuu' sumo mian anu daagi' nukuasai nu dunia aiya? Kadaka' komiu tulu-tulutanmo i atulan anu susumo ha aiya,

KOLOSE 2:20 ပူးပေါင်းရင်းမြစ်များ

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

2 KORINTUS 10:3

Kami memang daagi' tutuu' i uno nu dunia, panyo kami madi' mombau apa-apaa de ola kalana kapentingan nu dunia.

GALATIA 4:3

Sumo aitumo tiba kita: De kita ma'isa tu'anyo, kita nubotuani nu to roh-roh anu mongkuasai dunia aiya.

GALATIA 6:14

Panyo aku totu-totu'u madi' hondo mongka'oho' mombuulakon apa-apaa, sambiha'nyo Tumpunto i Yesus Kristus anu sinilakamo sinalib. Kalana Ia sinilakamo sinalib, sahingga dunia madi'mo daagi' ko alati'nyo apa-apaa hi belengku. Ka' mongkona dunia aiya, aku suele sumo anu sinilakamo.

EFESUS 2:15

Atulan nu agama Yahudi tiba to pale-palentah, ka' anu nu atun nu atulan i hapusmo i Kristus da ohua' na bansa aijo' timbalimo sa'angu' na bansa mian bu'ou, anu nosa'angu'mo tiba Ia. Jalan aijo' na binau i Kristus bau pompodame.

KOLOSE 2:14

ka' nohapusmo sulat nu samaya' hi kita, anu nompopobuhukmo kita nu atu-atulan anu maboat. Tiba jalan nomposalibmo sulat aijo' i kau' salib, Tumpu nohapusmo iwi-iwi' na kasala'an anu pinokonamo hi kita.

KOLOSE 2:16

Mokonyo aijo' boli mompojohok mian mompisala'i komiu mongkona kaanon kabai inumon, kabai mongkona sinaa daka' nu agama, kabai molame'akon bitu'on bu'ou, kabai mongkona sinaa nu Sabat.

KOLOSE 2:21

“Boli mongkanyang aiya”, “Boli monyamit aijo'”, “Boli monsentung aiya”?

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

KOLOSE 3:3

Kalana komiu sinilakamo, ka' kantumuu'an miu madi'mo kantoan tiba i Kristus hi Tumpu.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

1 YOHANES 5:19

Osumbu'to saba' kita aiya anumo nu Tumpu, mau mule' songko-songko na dunia aiya Anumo Ma'idek na nongkuasai.