KOLOSE 2:14 - KITAB NU TUMPU ALLA LELE MA'IMAI'

¹⁴ ka' nohapusmo sulat nu samaya' hi kita, anu nompopobuhukmo kita nu atu-atulan anu maboat. Tiba jalan nomposalibmo sulat aijo' i kau' salib, Tumpu nohapusmo iwi-iwi' na kasala'an anu pinokonamo hi kita.

KOLOSE 2:14 ပူးပေါင်းရင်းမြစ်များ

NEHEMIA 4:5

Boli mongampuni kalakuan nu aha anu ma'idek, ka' boli okolilimi na dosa' nu aha, kalana aha nompopo'ambangmo kami anu hau-haunyomo mombau kota' aiya.”

ESTER 3:12

Jadi kinona i tanggan sampulu'mo ka' totolu' bitu'onnyo anu momona, ilagamo i Haman na to gulu-gulutulis i tomundo. Aha pinalentahnyomo montulis sulat susumo koonyo nu palentah i tomundo, lantas sulat aijo' po'ule' tinulis i basa' nu bansa iwi-iwi' anu nusumbu' nu to bansa-bansa sangga'at anu opake bau basisik i kalaja'an aijo'. Sulat aijo' tinulis, nontekengi i Tomundo Ahasyweros ka' sinap nu sisingnyo, lantas pinakatumo lia-lia' namba hi to mia-mian anu balakuasa, hi gubernur, hi to pangka-pangkat anu matangkas na pangkatnyo i songko-songko na propinsi. Isinyo nu sulat aijo', aijo'mo palentah da toka i tanggan kosampulu'nyomo ka' totolu' bitu'on Adar, iwi-iwi' na bansa Yahudi, anu tu'amo kabai anu daagi' to ana-anak, boune kabai to momo'ane opateimo madi' ko ampunnyo, ka' halata' nu aha o'alamo.

ESTER 8:8

Panyo sulat anu tinuliskumo nomboa sanggo i tomundo ka' sinapmo, madi'mo o'abali'. Panyo, komiu ku pobee' montulis sulat mongkona bansa Yahudi, yayamo pa'apaa na anu o'oa'i miu ma'ima'. Tulis na sulat aijo' momboa sanggongku, ka' o sap nu sap nu kalaja'an.”

MAZMUR 51:1

Anu mongkapalai panyanyi. Mazmur kalangan i Daud

MAZMUR 51:9

Posusi'akon mae na aku da aku belesi'mo; baso'i mae na aku, da ku lingkuduimo na kopute'nyo nu kabu-kabu.

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

YESAYA 57:14

Daagi' ko anu notatae, “Baumo ka' posadiamo na jalan da bau kajalanan nu mian anu palesayamo hi beleng-Ku bolimo daagi' ko anu madi' mombau.”

NOMBILANGMO 5:23

Lantas imam tionyo ahi' montulis kutuk, aijo' i kalatas ka' o lulun ka' mombaso'i nu uee anu mapa-mapakat aijo'.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

KOLOSE 2:20

Komiu sinilakamo hingga-hinggat tiba i Kristus, ka' pinobebasmo i to roh-roh anu mongkuasai dunia aiya. Jadi kadaka' komiu tumuu' sumo mian anu daagi' nukuasai nu dunia aiya? Kadaka' komiu tulu-tulutanmo i atulan anu susumo ha aiya,

2 TESALONIKA 2:7

Kahosonan anu mombau ka'idekan aijo' nontampu'unimo nokalaja panyo daagi' sumo anu maninsuluk, ma'isa talalo nyata'. Saidi' mae de anu montahan o alinakonmo,

IBRANI 7:18

Jadi uuka aiya atulan anu pininmo o una'mo i sohipi' saba' madi'mo mahoson ka' madi'mo ko gunanyo.

IBRANI 8:13

Kalana mompoto'imo sa'angu na palajanjian' anu bu'ou, jadi Tumpu Allah nompotimbalimo palajanjian anu momona aijo' naluso'mo ka' madi'mo talalo ma'ima'; ka' apaa na anu naluso'mo tantu malia'mo lanyaap.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.