KOLOSE 2:13 - KITAB NU TUMPU ALLA LELE MA'IMAI'

¹³ Naipuan mae komiu natemo na kapalesaya'an kalana komiu binala dosa'mo, ka' kalana komiu madi' sinunat nu adat nu dunia. Panyo uuka aiya Tumpu nompotumuu'mo komiu hingga-hinggat tiba i Kristus. Tumpu nongampunimo iwi-iwi' na dosa'to,

KOLOSE 2:13 ပူးပေါင်းရင်းမြစ်များ

MAZMUR 119:50

Aiyamo na mohase' aku i uno nu kasala'anku, kalana anu jinanji'mo nu Belento aijo' mombee'i aku kantumuu'an.

MAZMUR 32:1

Mazmur i Daud. Nyanyian pangajalan. Mohumpak ka'ima'an na kantumuu'an nu mian anu dosa'nyo o ampunimo, ka' kasala'annyo madi'mo olekeng kasala'an.

MAZMUR 71:20

Belento nombee'imo mae aku manjoo' hondo na kasansala'an anu toto boa-boat, panyo Belento po'ule' mae mombee'i aku kahosonan ka' po'ule' mompotumuu' aku anu i lamunmo.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

LUKAS 15:24

Kalana anakku aiya i natemo, aiya tinumuu'mo mule'; ia nolapusmo, uuka i humpakkumo mule'.’ Balo aha nombau bau-bauon.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 9:60

I Yesus nontaami, “Pojohok na mian silaka molamun miannyo anu silaka. Panyo beleyum lako' ka' songkohakon na lele saba' Tumpu montampu'unimo mompalentah.”

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

ROMA 4:17

Kalana Tumpu notatae sumo uuka hi Abraham, “Aku mompotimbalimo beleyum tuuma nu manjoo' na bansa.” Sumo aijo'mo na Tumpu nombee' janji' aijo' hi Abraham. Ka' i Abraham pinalesayamo hi Ia. Iamo na Tumpu anu mompotumuu' mian silaka; Iamo ahi' na Tumpu anu ola motatae aku mombau apaa na anu madi' toho' daagi', timbali daagi'.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

1 KORINTUS 15:36

Ponga' hondo! De kita Utus mosu'an bine' i tano', bine' aijo' madi' tumuu', de bine' aijo' madi' mate pe'e.

1 KORINTUS 15:45

I uno nu Kitab nu Tumpu tinulismo sumo uuka, “Mian anu momona aijo'mo i Adam anu binau ka' pinotumuu',” panyo i Adam anu imihi-mihinyo aijo'mo Roh anu mombee'i kantumuu'an.

2 KORINTUS 3:6

Iamo na nompotimbali kami da moko ala timbali posaihon i palajanjian anu bu'ou; palajanjian anu lengkat hi Roh nu Tumpu Allah, misa' anu tuli-tulis i atulan. Kalana anu tuli-tulis aijo' momboa kapatean, panyo Roh nu Tumpu aijo' mombee'i kantumuu'an.

2 KORINTUS 5:19

Kami nompolele Tumpu nompotimbalimo mian nompo'ule'mo na'ima' tiba butong-Nyo, kalana pinalesayamo hi Kristus. Tumpu nompotimbali aijo' madi'mo nongkikilai kasala'an anu binaumo nu mian hi butongnyo. Ka' kami pinalentahmo nu Tumpu da mompolele lele aijo'.

EFESUS 2:1

Naipuan mae rohani miu i natemo kalana komiu binala dosa'mo ka' nolanggaimo to pale-palentah nu Tumpu.

EFESUS 2:11

To Utu-utus anu misa' mian nu Yahudi! Inau' na kantumuu'an miu tempo'nyo naipuan mae: Komiu sinanggohanmo “mian anu madi' o sunat”, nu mian Yahudi anu mangaku butongnyo sinunatmo (makisutnyo anu nohumpakmo tanda anu binau nu mian i butong nu aha).

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

KOLOSE 2:12

Kalana salatan komiu pinalamandikanmo, komiu i lamunmo hingga-hinggat tiba i Kristus; ka' tiba palamandian aijo' mule', komiu po'ule'mo pinotumuu' suele hingga-hinggat tiba i Kristus, kalana komiu pinalesayamo i kuasa nu Tumpu anu nompo'ule'mo nompotumuu' i Kristus sinilaka.

1 TIMOTIUS 5:6

Panyo balu anu mongka'oho' tumuu' ola basana-sanang, ia natemo mau mule' ia daagi' tutuu'.

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum:

IBRANI 6:1

Kalana aijo', imbo' da kita mondensu'akonmo i panga-pangajalan anu lebe tongkohimona mongkona kantumuu'an nu mian Kristen anu sinsumbu'mo, da lebemo mangalati', ka' boli ola mongkamata pu'u-pu'unyo momona nu pangajalan nu agamanto. Boli kita po'ule' mule' mongulit pu'unyo nu pangajalan au'aitu mian madi'mo timbali mombau hahan anu madi'mo mingguna ka' tionyomo ahi' palesaya hi Tumpu,

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.

YAKOBUS 2:17

Sumo aitumo suele na iman, de madi' oponyata' i han anu obau, saba' iman aijo' madi' ko gunanyo.

YAKOBUS 2:20

Komiu ponga' hondo! Pa' palalu opobukuti' hi komiu na iman anu madi' ko gunanyo, aijo'mo iman anu madi' kopalabuan.

YAKOBUS 2:26

Yo, susumo butong madi'mo ko rohnyo atina' butong anu i sinilakamo, sumo aitumo suele na iman de madi' ko bukuti'nyo i han anu ma'ima', atina' iman anu sinilakamo.

1 YOHANES 2:12

Aku nontulismo toka hi belemiu, to Ana-anak, kalana dosa' miu ingampunanmo, aijo' ola kalana i Kristus.