KOLOSE 2:11 - KITAB NU TUMPU ALLA LELE MA'IMAI'

¹¹ Kalana nosa'angu'mo tiba i Kristus komiu sinunatmo, misa' sumo sunat anu binau nu mian, panyo sunat anu binau i Kristus, anu nompobebasmo komiu i kuasa nu tabiat anu baladosa'.

KOLOSE 2:11 ပူးပေါင်းရင်းမြစ်များ

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

MARKUS 14:58

“Kami nohongo mian aiya notatae, ‘Ku hobo'akon na Laigan nu Tumpu aiya anu binau nu mian, ka' lapas ko tolun sinaanyo, po'ule' Ku potinjo na sangga'at anu misa' mian na nombau.’ ”

LUKAS 2:21

Salatan umunnyo ingialunmo na sinaa, anak aijo' sinunatmo. Ka' sinanggohan nu aha i Yesus, sanggo anu binee' nu malaikat hi Ia, ma'isa pe'e pinoboa na tina-Nyo.

SISIKON NU TO RASUL-RASUL 17:24

Tumpu anu nompotimbali dunia aiya tiba isinyo iwi-iwi', aijo'mo na tumpu nu langit ka' tano'. Ia madi' jojoong i uno nu to lai-laigan nu pilogot anu nubau nu mian.

SISIKON NU TO RASUL-RASUL 7:48

Panyo Tumpu anu Matangkas na Kuasanyo madi' jojoong i uno nu laigan anu obau nu mian; kalana i uno nu kitab nu nabi tinulismo sumo uuka,

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

ROMA 6:6

Osumbu'to na kalakuanto anu piniinmo salaku mian sinilakanmo hingga-hinggat tiba i Kristus i kau' salib da kuasa nu kalakuanto anu baladosa' aijo' madi'mo ko kaliangan-Nyo; tiba jalan aijo' kita madi'mo daagi' nubotuani nu dosa'.

ROMA 7:24

Jadi, sumo aiyamo na balu-balunyo nu aku. Aku mohongo-hongo atulan nu Tumpu mombatuki pikilanku, panyo kalana sipat nu mian daagi' i butongku, aku tinundu'mo i dosa'. Paya' na butongku aiya binalaamo! Ihena mongka'oho' momposalamat aku, i butong aiya anu momboa aku i kapatean? Talima kaseh hi Tumpu Allah! Ia na mongka'oho' momposalamat aku hi Yesus Kristus.

2 KORINTUS 5:1

Kalana osumbu' mami de laigan – aijo'mo butong – anu ojojoonginto i dunia aiya o tataki, Tumpu montoukaije kita sa'angu' na laigan i suluga', anu binaumo nu Tumpu ka' anu montahan pin sampe toka sidu-sidutu'.

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

EFESUS 4:22

Mokonyo aijo', ukatakonmo na mian anu nanau'mo tiba jalan pikilan nu kantumuu'an anu nanau'mo anu hau-haunyo ingide'anmo han anu oka'ima'i anu mompoponga'.

PO'ULE' INGULIT 10:16

Jadi mulai uuka aiya belemiu tionyo ahi' tulu-tulutan hi Tumpu ka' bolimo daagi' panggaga.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

IBRANI 9:11

Panyo i Kristus tinokamo salaku Imam Daka' lengkat mae i hahan anu ma'ima' anu polo-polo'mo daagi'. Kemah nu Tumpu anu pokalaja'an-Nyo salaku Imam Daka' aijo'mo na kemah anu lebe talasanggo ka' lebe ma'ima'. Aijo' misa' binau nu mian; alati'nyo misa' anu nolengkat mae i dunia anu pinotimbali aiya.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.