KOLOSE 1:6 - KITAB NU TUMPU ALLA LELE MA'IMAI'

⁶ Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

KOLOSE 1:6 ပူးပေါင်းရင်းမြစ်များ

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

MATIUS 24:14

Ka' Lele Ma'ima' mongkona mosia na Tumpu mompalentah o polele i songko-songko na dunia, da iwi-iwi' na mian mohongo. Lapas aitu, tokaje na kakiamatan.”

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

MARKUS 4:8

Panyo daagi' mule' ko bine' anu manabu' i tano' anu ma'omuk. Bine' aijo' tumuu', lantas timbali daka' lantas mimbua', daagi' ko anu tolum pulu', daagi' ko anu anom pulu', ka' daagi' mule' ko anu pinsa'atu lipat.”

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

YOHANES 4:23

Panyo tokaje na tempo'nyo, ka' memang tinokamo kalana Roh-je nu Tumpu na mongkuasai sahingga to mia-mian monsombah Tuuma salaku Tumpu anu totu-totu'u susumo anu nunu kahanda'i nu Tuuma.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 12:24

Sahingga potatae nu Tumpu nompaka togilele jo'o-jo'on ka' nompaka padodomo.

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

ROMA 1:13

To Utu-utusku! Ku indi da osumbu' miu taalu' saja'mo na aku mompai kahanda'i montoa komiu, panyo saja' ko anu monsalempodi. Ku indi da itina' hi komiu suele kalajangku ko hasinnyo susumo kalajangku anu kinohasinnyomo hi to mia-mian anu misa' Yahudi i tampat-tampat sangga'at.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

ROMA 15:28

De kupoko baumo na kalajangku aiya, ka' mombee'mo hi aha kiijo' mae i Yerusalem, pontulungi anu ilimu'mo aijo', saba' aku mambaje i lipu' Spanyol motulu i kota komiu.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

2 KORINTUS 10:14

Jadi, tempo'nyo kami namba nolenga komiu ka' nomboa Lele Ma'ima' mongkona i Kristus hi komiu, kami totu-totu'u madi' nosabat lengkat i batas-batas nu da'erah pokalajan mami.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

EFESUS 3:2

Tantu komiu nohongomo Tumpu, kalana ka'ima'an nu kinyonyoa-Nyo, nombee'imo aku kalaja aiya bau kapentingan miu.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!

EFESUS 4:23

Tionyo ahi' kinyonyoa ka' pikilanum opotimbali bu'ou iwi-iwi'.

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 4:17

Aijo' misa' alati'nyo aku ola mongindi da mohumpak anu obee'. Anu kuku indi aijo'mo da kutoa na hasinnyo anu montuangi ka'untungan miu.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

2 TESALONIKA 2:13

To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.