KOLOSE 1:5 - KITAB NU TUMPU ALLA LELE MA'IMAI'

⁵ Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

KOLOSE 1:5 ပူးပေါင်းရင်းမြစ်များ

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 23:6

I Paulus nontoa saba' sambagian aijo' na to pangka-pangkat nu Mian Kopian Daka' nu Agama aijo', aitumo lengkat hi to mia-mian nu Saduki ka' sambagian mule' lengkat hi aha to mia-mian nu Farisi. Kalana aijo' ia notatae hi Mian Kopian Daka' nu Agama aijo', “To Utu-utus! Aku mian nu Farisi, lee' nu mian Farisi. Aku pinutusanmo i aiya kalana aku palesaya saba' to mia-mian mate po'ule' opotumuu'.”

SISIKON NU TO RASUL-RASUL 24:15

Pokakana sumo aha, aku suele montaha'imani hi Tumpu, saba' iwi-iwi' na mian mompo'ule' tumuu' de silakamo – to mia-mian anu ma'ima', mau pe'e to mia-mian anu ma'idek!

ROMA 10:8

Kahanda'nyo sumo uuka, “Lele lengkat hi Tumpu aijo' ohani hondo hi beleyum; i nganga'um tiba i kinyonyoaum.” Aijo'mo na lele anu oleleakon kami; lele tukoonyo tionyo mian palesaya.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

1 KORINTUS 15:19

De anu otaha'imaninto hi Kristus ola kona i kantumuu'anto i dunia aiya, taalu' iwi-iwi' na mian i dunia aiya, kitamo na anu talalo madi' ningkaliangan!

2 KORINTUS 5:19

Kami nompolele Tumpu nompotimbalimo mian nompo'ule'mo na'ima' tiba butong-Nyo, kalana pinalesayamo hi Kristus. Tumpu nompotimbali aijo' madi'mo nongkikilai kasala'an anu binaumo nu mian hi butongnyo. Ka' kami pinalentahmo nu Tumpu da mompolele lele aijo'.

2 KORINTUS 6:7

ka' mombebakon lele anu lengkat mae hi Tumpu ka' tiba kuasa nu Tumpu, kami nompotoamo saba' kami aiya aijo'mo to posa-posaihon nu Tumpu. Kami mintoong i kahanda' nu Tumpu bau salaku toongon mami monggagakon kabai mule' bau pontinjohi butong mami.

GALATIA 2:14

Salatan tinoangku taalu' aha madi' mompintoongi kahondoan nu Lele Ma'ima' aijo', aku notatae hi Petrus i ahop nu iwi-iwi' mian anu tinoka i kiijo', “De kita Utus mian nu Yahudi tumuu'mo sumo mian anu misa' Yahudi, kadaka' kita Utus uuka aiya mongka'oho'mo mompakisa to mia-mian sangga'at tumuu' sumo mian nu Yahudi?”

GALATIA 2:5

panyo kami madi' ihungku'an nu aha mau sangkiding pe'e, kalana pagala ojagai mami da Lele Ma'ima' aijo' tataap ma'ima' hi komiu.

GALATIA 5:5

Panyo de hi kami, kami taha'iman saba' de Roh nu Tumpu Allah na montulungi ka' mimpu'u kalana kami palesayamo hi Kristus, Tumpu montalimamo kami mompo'ule'mo ma'ima' tiba Ia.

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

2 TESALONIKA 2:16

O amalakon hi Tumpunto Yesus Kristus ka' Tumpu Tuumanto mongindeko' ka' mompohosonakon kinyonyoa miu da komiu timbali mongkalaja ka' mompolele apaa na anu ma'ima'. Kalana Tumpu mongkalibosi kita, ka' kalana kanonongan nu kinyonyoa-Nyo, Ia nompotimbalimo kita saja' sabaan ka' montaha'imani anu ma'ima'.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 7:19

Atulan nu agama Yahudi madi' moko ala mombau apa-apaa da timbali ma'ima'. Aijo' na sababnyo kita uuka aiya binee'anmo anu timbali otaha'imani anu lebe ma'ima'; tiba jalan aijo' kita moko alamo ohani hi Tumpu.

1 PETRUS 2:2

Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

2 PETRUS 1:12

Kalana aijo', aku saja' mompotuka' belemiu mongkona han anu sinanggomo aijo', mau mule' belemiu nonsumbu'mo ka' pinalesayamo hondo i pangajalan lengkat mae hi Tumpu anu tinalimamo miu aijo'.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.