KOLOSE 1:26 - KITAB NU TUMPU ALLA LELE MA'IMAI'

²⁶ aijo'mo lele anu kopinnyo mo'atu-atumo na taun, anu u'utu pe'e mae pinohowini nu Tumpu hi mian iwi-iwi', panyo uuka aiya pinonyata'nyomo hi mian anu palesayamo hi Ia.

KOLOSE 1:26 ပူးပေါင်းရင်းမြစ်များ

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 20:7

To mia-mian aijo' nontaami, ‘Madi' ko mian anu mombee'i pakalaja'an hi kami.’ ‘Desumo aijo'’, koonyo nu tumpu nu ale' aijo', ‘lako'mo na komiu mokalaja i ale' nu anggurku.’

MARKUS 4:11

Sahingga i Yesus notatae hi aha, “Komiu binee'anmo balakat da monsumbu' lahasia mongkona mosia na Tumpu mompalentah. Panyo to mia-mian anu i sambiha'nyo ingajan nu kantuang,

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

1 KORINTUS 2:7

Kapandean anu kupoto'i aitu aijo'mo kapandean lengkat mae hi Tumpu. Kapandean aijo' madi' nusumbu' nu dunia, panyo tinoukanmo nu Tumpu bau kabilahianto salatanmo pe'e dunia aiya ma'isa binau.

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

KOLOSE 4:3

Odo'akon suele na kami, da Tumpu mombee'i mae kami kasampatan anu ma'ima' na mombebakon lele mongkona lahasia i Kristus. Kalana han aijo', sahingga aku uuka aiya pinosoopmo i uno nu talungku'.

2 TIMOTIUS 1:10

Ka' uuka Tumpu nompotoamo balakat-Nyo aijo' hi kita, kalana nompotokamo mae Tomundo anu Momposalamat kita, i Kristus Yesus. I Yesus nompokalamo kuasa nu kapatean ka' nomboamo mae kantumuu'an anu sampe toka sidu-sidutu' montului Lele Ma'ima' aijo'.