KOLOSE 1:22 - KITAB NU TUMPU ALLA LELE MA'IMAI'

²² Panyo uuka aiya Anak-Nyo sinilakamo kalana Tumpu nombaumo da pompahasumbu'an miu tiba Ia timbali mompo'ule' ma'ima'. Tiba jalan aijo' komiu timbali oboa mangadap hi Tumpu i uno nu han anu susi', ma'ima' ka' madi' ko ide'nyo.

KOLOSE 1:22 ပူးပေါင်းရင်းမြစ်များ

2 SAMUEL 22:24

Aku sinumbu'-Nyomo madi'mo ko anu opisala'i ka' madi'mo lewa' mombau kasala'an.

AYUB 15:15

Sadang pe'e malaekat suele madi' nu palesaya nu Tumpu Allah; aha madi' susi' na nutoa nu Tumpu Allah.

AYUB 25:5

De Tumpu Allah na montoa, bitu'on pe'e madi' majingka, ka' binta-bintang nu anggap suhau'on.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

LUKAS 1:75

saja' tulut hi Ia ka' momposanang kinyonyoa-Nyo i uno nu kantumuu'anto.

ROMA 7:4

Sumo aitumo na bau-baunyo tiba komiu, to Utu-utusku. Kona i atulan nu agama Yahudi komiu i natemo, kalana komiu pinosa'angu'mo tiba butong i Kristus ka' Iamo na tumpunyo, anu sinilaka po'ule'mo pinotumuu'. Ia sinilaka po'ule' pinotumuu' da kita ko kaliangannyo hi Tumpu i kantumuu'anto.

2 KORINTUS 11:2

Aku molibos hi beleyum, sumo Tumpu suele molibos hi beleyum. Komiu sumo samian na anak langkoyang anu ma'isa toho' no'osoa, anu daagi' susi' anu jinanji'kumo da oponika'mo tiba samian na mo'ane, aijo'mo i Kristus.

2 KORINTUS 4:14

Opalesaya mami, saba' Tumpu na nompo'ule'mo nompotumuu' i Tumpu Yesus, suele mompotumuu'mo kami tiba i Yesus ka' nomboamo komiu ka' kami i ahop-Nyo.

2 KORINTUS 5:18

Iwi-iwi' aijo' binau nu Tumpu. Ninjalan hi Kristus, na Tumpu nompotimbali kita nompo'ule'mo na'ima' tiba Ia, lantas nompalentah kita da to mia-mian sangga'at timbali mompo'ule' ma'ima' suele tiba Tumpu.

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

EFESUS 5:27

Tiba jalan anu sumo aijo' i Kristus mompotinjomo jama'at aijo' talasanggo ka' Susi' i ahop-Nyo, madi' ko ideknyo kabai anu kulang mau mule' apaa.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 10:10

I Yesus Kristus nombaumo apaa na anu nukahanda'i nu Tumpu Allah ka' butong-Nyo sinombahkonnyomo, salaku koloban. Kalana Ia nonsombahkonmo sumo aijo', ka' Ia nombaumo sumo aijo' ola ninsan sampe toka sidu-sidutu'; kita iwi-iwi' pinobelesi'mo i dosa'.

IBRANI 10:20

Binuka'mo i Yesus na jalan sa'angu' anu bu'ou hi kita, aijo'mo jalan anu mombee'i kantumuu'an. Jalan aijo' montului lalanse', aijo'mo posi butongnyomo i Yesus.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.