KOLOSE 1:12 - KITAB NU TUMPU ALLA LELE MA'IMAI'

¹² ka' montalima kase hi Tuuma. Kalana Tuumamo aijo' na nompobee' komiu timbali montalima apaa na anu pinosadiakonmo nu Tumpu bau bagi nu miannyo anu palesayamo i uno nu kalaja'an-Nyo anu majingka.

KOLOSE 1:12 ပူးပေါင်းရင်းမြစ်များ

1 TOMU-TOMUNDO' 6:7

To bala-balak anu pinake aijo' kau' lontio' nu Libanon. Sabatan pinsoopan i salipi' haha aijo' anu pinontuangi i lunduannyo akaong anu i sasu aluknyo pinokona i sasu selatan, ka' mokiita' ilunduannyo anu ko ohua'nyo tiba to totolu'nyo ingojanan gineo-geo'akon. Lapas aijo' i Salomo nompokonaimo palaponnyo nu laigan aijo'. Ia nompokona aijo' pinaha po'una'annyo pe'e kaso'nyo lapas aijo' pinokonamo na dopi' nu kau' Lontio' anu ingala i Libanon. Tempo'nyo nombau laigan nu Tumpu aijo', onyi' nu pombaan, bobolo' kabai pakakas besak madi' ko anu hondo-hondo i hongo kalana batu haha aijo' anu pinake binau laigan aijo' pinotoukamo momonanyo tempo'nyo kiijo' mae ipinongalapan batu. Sumo aijo' na i Salomo nombau Laigan nu Tumpu aijo' sahingga tinimbalimo.

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

MAZMUR 116:7

Pinosanangkumo na kinyonyoangku, kalana nu kanonongi nu Tumpu na aku.

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

MAZMUR 79:13

Sahingga kami mian anu palesayamo hi Belento, domba anu, nulaya' nu Belento montalima kasemo hi Belento sampe toka sidu-sidutu', ka' mompuji'mo Belento sampe molundu-lundu na tulunan.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

AMSAL 16:1

Manusia timbali mombau sa'angu' na tanga'an panyo Tumpu Allah na mombee'i kaputusan.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

DANIEL 2:23

O, Tumpu anu saja' nu sombah nu mompolee'ku, Belento ku puji' ka' ku popodaka'. Kalana Belento nombee'imo mae aku kapandean bapikin tiba kahosonan. Poitaon mami tinalimamo nu Belento. Ka' mule' bau pontaami tomundo' pinotiju'mo nu Belento.”

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 4:23

Panyo tokaje na tempo'nyo, ka' memang tinokamo kalana Roh-je nu Tumpu na mongkuasai sahingga to mia-mian monsombah Tuuma salaku Tumpu anu totu-totu'u susumo anu nunu kahanda'i nu Tuuma.

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

ROMA 11:17

Sambagian na to panga-panga' nu kau' zaitun – aijo'mo na to mia-mian Yahudi – tinutu'akonmo. Ka' i pinontutu'akonan aijo', na pinompokampa'an panga' nu kau' zaitun nu kuhat, aijo'mo to Utu-utus anu misa' Yahudi. Kita Utus pinokampa' i kiijo' da kita Utus mongoa'i iwi-iwi' na anu ma'ima' i kantumuu'an nu mian Yahudi anu palesayamo.

ROMA 15:27

Tiba kinyonyoa sanang aha nomputusimo da mombau sumo aijo'. Memang konanyomo na aha patut montulungi to utu-utus anu kasiasi i Yerusalem aijo'; kalana mianmo nu Yahudi haha aijo', sahingga mian anu misa' Yahudi nohumpakmo to bala-balakat anu lengkat mae hi Tumpu. Jadi to mia-mian anu misa' Yahudi aijo' patut suele montulungi to mia-mian Yahudi nu to bala-balakat, susumo lapangnyo to bala-balang.

ROMA 8:17

Jadi, de kita to ana-anak-Nyo, tantu kita mule' ko hak mohumpak hi Ia, anu tionyo montalima to bala-balakat anu pinosadiamo nu Tumpu bau bagi nu to ana-anak-Nyo. Kita tionyo mohumpak hingga-hinggat tiba i Kristus apaa na anu pinosadiamo nu Tumpu hi Ia; kalana de kita mongoa'i sansala tiba i Kristus, kita suele opopodaka' tiba Ia.

ROMA 9:23

Tumpu mule' ko kahanda' mompotoa hi kita kabilahian anu molabi-labih binee'-Nyo hi kita anu nu Nu kalibosi. Kita tinoukaan-Nyomo mohumpak kabilahian aijo'.

1 KORINTUS 8:6

Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

1 KORINTUS 9:23

Iwi-iwi' aijo' kubau kalana Lele Ma'ima' lengkat mae hi Tumpu aijo', da aku suele nu balakati.

2 KORINTUS 11:14

Madi'mo okatalanggangakon na aha mombau sumo aijo', kalana Ibilis pe'e mingadi-adi' sumo malaikat anu susi'!

2 KORINTUS 5:5

Posi Tumpu na mompotouka kantumuu'anto aijo', ka' iamo na nombee'i Roh-Nyo hi kita salaku bau tanda da opalesaya na janji'nyo.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

EFESUS 2:18

Kalana montului Kristus salaku jalan kita iwi-iwi' – mau mian nu Yahudi, maumo misa' mian nu Yahudi – kalana Roh nu Tumpu anu sa'a-sa'angu'nyomo aijo' timbalimo moko ohani Te Aha Tuuma.

EFESUS 3:6

Lahasia aijo', atina'mo: Montului Lele Ma'ima' aijo', mian anu misa' Yahudi suele mongoa'i to bala-balakat nu Tumpu anu naipuan mae pinotouka ola bau kapentingan nu mian Yahudi. To mia-mian anu misa' Yahudi pinotimbalimo ka' pinosoopmo sambu-sambutong, ka' suele mohumpakmo apaa na anu jinanji'mo nu Tumpu hi Kristus Yesus.

EFESUS 4:6

ka' sa'angu' na Tumpu anu timbali Tuuma nu iwi-iwi' mian. Iamo na Tumpu nu songko-songko na langa, anu nompotimbalimo iwi-iwi' ka' mongkuasai iwi-iwi'.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

EFESUS 5:20

Mau mule' pa' apaa tionyo komiu saja' montalima kase hi Tumpu Tuuma i uno nu sanggo i Yesus Kristus Tumpunto.

EFESUS 5:4

Madi' mule' pantas hi komiu montaloakon potatae anu mahenyu, anu masala' ka' anu madi' mingkona. Ola ahi' komiu maunyo montalima kase hi Tumpu.

EFESUS 5:8

Komiu pe'e naipuan mae daagi' i uno nu pintung. Uuka komiu tinimbalimo mian anu palesayamo hi Tumpu, jadi komiu i unomo nu jingka. Mokonyo aijo' komiu tumuu'mo ahi' i uno nu jingka.

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 12:23

Komiu mongatuhimo tampat kasingkabotan anu lame' hondo – kasingkabotan nu to ana-anak tumpe nu Tumpu, anu tinulismo na sanggonyo i uno nu kitab kiita' i suluga'. Komiu tokamo mangadap hi Tumpu, Mian Kopian nu mian iwi-iwi'. Komiu mongahopimo to roh-roh nu to mia-mian ma'ima', anu pinotimbalimo da na'ima'mo.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 3:14

Kita iwi-iwi' mosangalumo tiba i Kristus, i sa'angu' na tanga'an asan kita sampe toka imihinyo na montoongi hoso-hoson kapalesaya'an anu totu-totu'u anu daagi'mo hi kita salatanmo pe'e imoonanyo.

YAKOBUS 3:9

Kita mompake ia da bau pontaloakon talima kase hi Tumpu ka' Tuumanto, panyo mule' bau pongkutuki sangko mian, anu pinotimbalimo sumo butong nu Tumpu.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.