I RUT 4:15 - KITAB NU TUMPU ALLA LELE MA'IMAI'

¹⁵ Monian nu belento aijo' mongkalibosi hondo belento. Ia nombee'imo belento lebe molingkudui apaa na anu binee'mo nu aha popitu' na anak mo'ane. Uuka aiya ia nombee'imo samian na makumpu mo'ane hi beleyum anu momposanangje kantumuu'an nu beleyum ka' mompotuu' belento de bengkele'mo na belento.”

I RUT 4:15 ပူးပေါင်းရင်းမြစ်များ

KAJADIAN 45:11

De aha tuuma jojoongmo i Gosyen, aku timbali mompalakai aha tuuma. Tempo' kasusa'an i anu okaan daagi' olima' na taun na kopinnyo ka' ku usahakon da aha tuuma, ka' to ana-anak aha sa'anakan ka' potuu'on nu aha tuuma, boli ko anu maga'a.' ”

KAJADIAN 47:12

Lantas i Yusuf nontoukaimo posadiaon anu okaan nu tuumanyo ka' iwi-iwi' na to julu-julunyo toka-toka hi anak anu daagi' ise' hondo.

MAZMUR 55:22

Potataenyo ma'ima'hondo na ia mombisalai, panyo i uno nu kinyonyoanyo mongka'ideki. Ia basisik madi' ko pesa-pesa, panyo monsusuk, sumomo bajak na ko tajomnyo.

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

YESAYA 46:4

Aku tataap Tumpu nu beleyum sampe belemiu langkai'mo ka' bengkele'mo; ka' tataap monjagai belemiu sampe belemiu uanonmo. Aku na nompotimbalimo belemiu ka' tataap ahi' mompotuu' belemiu. Aku na montulungi ka' momposalamat belemiu.

I RUT 4:16

I Na'omi nongalamo anak aijo' ka' pinotuu'nyomo tiba talalo hondo nu kalibosi.

1 SAMUEL 1:8

Ka' toto minsan mule'langkai' nu aha i Elkana mompokilawamo, “Kadaka' beleyum madi'mo mongka'oho' mongkaan ka' saja'mo susa'? Temisa' aku na lebe ko angganyo hi beleyum molingkudui sampulu' na anak to momo'ane?”

1 SAMUEL 2:5

Mian anu u'utu mae mobosu, kalana manjoo' na kaanon, tempo' uuka aiya nongala tambomo, ola kalana da mohumpak anu okaan. Mian anu u'utu mae mo'ohop tempo uuka aiya na osamo kalana nanjoo'mo na anu okaan. Bengkele' anu lengke' tempo uuka aiya sinanangmo na kinyonyoanyo, popitu'mo na anaknyo na i hampe! Panyo bengkele' anu manjoo' na anaknyo, pinala ianmo, pinojohokmo da susa'.