I RUT 4:11 - KITAB NU TUMPU ALLA LELE MA'IMAI'

¹¹ To tu'a-tu'anyo ka' mian sangga'at anu ikiijo' notatae, “Ii', kamimo na nonsakisi. O amalakon mami da Tumpu mompotimbali bengkele' nu beleyum aijo' sumo i Rahel ka' i Lea anu nohampeakon manjoo' na anak hi langkai'nyo nu aha i Yakub. O amalakon mami da beleyum kaya hi aha to mia-mian lee' mae i Efrata ka' o amalakon da beleyum talasanggo i Betlehem.

I RUT 4:11 ပူးပေါင်းရင်းမြစ်များ

KAJADIAN 23:10

Tempo'nyo aitu i Efron hau-haunyo suha-suhang tiba to mia-mian nu Heto aijo' i tampat kasingkabotan i sabatan daka' nu kota. Lantas sinakisianmo nu mian iwi-iwi' anu daagi' ikiijo', ia nontaami,

KAJADIAN 29:16

I Laban ko anak boune ua'aha; anu tumpe sanggonyo i Lea ka' utus ise'nyo sanggonyo i Rahel.

KAJADIAN 29:25

Dodododopnyoje atina'je ka' sinumbu' i Yakub taalu' i Lea, na ingosoannyo. Lantas i Yakub nambamo hi Laban ka' notatae, “Kadaka' belento Babo' nombaumo aku susumo aiya? Te misa' aku nokalajamo da mongala i Rahel? Kadaka' belento Babo' nongakalimo aku?”

KAJADIAN 29:32

I Lea pinoboamo lantas nohampeakonmo samian na anak mo'ane. Ia notatae, “Tumpu nontoamo mae kasusa'anku, ka' uuka aiya langkai'ku nongka'ima'imo aku.” Lantas sinanggohannyomo na anaknyo aijo' i Ruben.

KAJADIAN 35:23

To ana-anak i Lea aijo'mo i Ruben (anak tumpe i Yakub), i Simeon, i Lewi, i Yehuda, i Isakhar ka' i Zebulon.

KAJADIAN 35:24

To ana-anak i Rahel aijo'mo i Yusuf ka' i Benyamin.

1 TOMU-TOMUNDO' 21:8

Jadi i Izebel nontulismo sulat nongala sanggo i Ahab ka' pinokampitnyomo na segel nu tomundo' i sulat aijo'. Sulat aijo' pinakatunyo hi to pola-polaya' ka' hi to tu'a-tu'anyo anu kiijo' i Yizreel.

1 TAWARIKH 2:51

I Salma anaknyo anu ko ohua'nyo, iamo aijo' na nombau kota' Betlehem; ka' i Haref anaknyo anu ko totolu'nyo, iamo aijo' na nombau kota' Bet-Gader.

MAZMUR 132:6

Kiijo' mae i Betlehem i hongontomo na Peti' Palajanjian, lantas i humpakmo i padang yaar.

AMSAL 14:1

Sa'angu' na auan timbali maju kalana pande na boune mongatun panyo nu idei nu kaponga'annyo.

AMSAL 31:23

Langkai'nyo mian anu talasanggo; sala' samian anu aijo' hi aha polaya' nu kota'.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 2:6

‘Beleyum Betlehem, i tano' nu Yehuda, beleyum misa' anu talalo ise' i to kota-kota anu penting i Yehuda. Kalana lengkat hi beleyum tokaje na samian anu bau polaya' anu molaya' mian-Ku Israel anu palesayamo.’ ”

PO'ULE' INGULIT 25:7

De mian aijo' madi' mongka'oho' mongosoai bengkele' nu utusnyo, boune iajo' tionyo ahi' mangadap hi to pola-polaya' nu kota ka' mompoto'i, ‘Dawok ku madi' mongka'oho' montuluti palentah da utusnyo mohumpak samian na lee'nyo hi bansa Israel.’

PO'ULE' INGULIT 25:9

bengkele' nu utusnyo aijo' tionyo ahi' mongohani ia i ahop nu to pola-polaya' nu kota, lantas mongukat sandaan nu mian aijo' montupe'i ohupnyo ka' motatae, ‘Sumo aiya na tionyo ahi' pombau mian anu madi' mongka'oho' mombee'i lee' hi utusnyo.’