I RUT 3:9 - KITAB NU TUMPU ALLA LELE MA'IMAI'

⁹ “Ihe na beleyum?” na koonyo. “Aku i Rut, kita Tuumangku!” tinaaman i Rut. “Belento Tuumangku daagi' mongkona sampoto'utusan mami mae anu daagi' ohani mae, ka' anu tionyo ahi' montoa kasusa'an nu kantumuu'anku. Ku poita da belento Tuumangku mongosoaimo aku, baumo bengkele' nu belento Tuumangku.”

I RUT 3:9 ပူးပေါင်းရင်းမြစ်များ

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

I RUT 2:20

“Anaku, mian itina' daagi' sampoto'utusanto anu daagi' ohani hondo mae tiba kita,” na koonyo i Na'omi, “Ia memang tionyo ahi' montolukakon kasusa'anto. O'amalakon da Tumpu mombalakati ia. Tumpu saja' mongganapi apaa na anu jinanji'-Nyomo, mau hi aha anu daagi' tutuu', mau mule' hi aha anu sinilakamo.”

I RUT 3:10

“Ku amalakon da Tumpu mombalakati beleyum, anak ku”, na koonyo i Boas. “De opokakanakon tiba apaa na anu binaumo nu beleyum hi monian nu beleyum, saba' anu binaumo nu beleyum uuka aiya nomponyata'mo mae saba' beleyum lebe daka-daka' mongka'ima'i mule'. Sabenannyo beleyum timbali molio anu bau langkai' ka' anu daagi' olitau hi mian anu kaya kabai mule' hi mian anu kasiasi, panyo aijo' madi' binau nu beleyum.

I RUT 3:12

Memang totu'umo, aku tionyo ahi' montoakon kantumuu'an nu beleyum, kalana aku daagi' mae ohani sampoto'utusan nu beleyum. Panyo daagi' ko mian sangga'at na tionyo ahi' montoa kantumuu'an nu beleyum. Ka' ia ahi' na sampoto'utusan anu lebe ohani molingkudui aku.

I RUT 3:8

Tonga'pahumo i Boas monti-montiik tinolo i otosmo. Ia tinolokengkengmo nontoa daagi' ko samian na boune hoyo-hoyot koko tengkenyo.

I RUT 4:4

Ka' kugantang beleyum tionyo ahi' suele monsumbu' han aijo'. De beleyum ko kahanda' mongoli, poto'i mae aiya i ahop nu to mia-mian anu suha-suhang i aiya. De madi', yo poto'imo mae hondo-hondo, kalana ola kita ohua' na ko hak i han aijo'; beleyum na anu momona lapas aijo' akuje.” Tinaaman nu mian aijo', “Ii', akumo na mongoli.”

I RUT 4:6

Mian aijo' nontaami, “Desumo itina' aku madi' moko ala. Uuka aiya aku madi'mo ko hak salaku mian anu momona tionyo mongoli tano' aijo'. Madi' ko gunanyo na aku mongoli, kalana tano' aijo' tantu madi' timbali da lee'kumo na tumpunyo. Sahanyo beleyumo na mongoli.”

1 SAMUEL 25:41

I Abigail tinuminjo ka' tinolo dadupumo ka' notatae, “Aku aiya posaihon i Daud, aku sanang na mondudu'i tengke nu to posa-posaihonnyo.”