I RUT 3:18 - KITAB NU TUMPU ALLA LELE MA'IMAI'

¹⁸ Lantas notataemo na i Na'omi, “Tanda'imo, anaku, sahingga nutoa nu beleyum pa' mosia na ka'ahenannyo aiya saidi' mae. I Boas madi' ola momohokot de ma'isa pe'e nu sidahakon na han aiya i sinaa uukamo aiya.”

I RUT 3:18 ပူးပေါင်းရင်းမြစ်များ

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 30:7

Anu pinontulungi mae nu Mesir ola pinalasuma. Kalana aijo' Mesir Ku sanggohi, ‘Ulo anu madi' mompoposi’.”

I RUT 3:17

“Ka' mule',” i Rut notatae, “aitu pe'e pinaka bee'annyo mae gandum aiya iwi-iwi' hi belengku, kalana ia notatae hi belengku madi' timbali minsusule' hi belento Tinangku, ola lima sampulu'.'”

I RUT 4:1

I Boas nambamo i tampat anu lewa' kasingkabotan i sabatan daka' i kota. Salatan ia sinumuhangmo ikiijo' notulumo na mo'ane samian, koonyo i Boas i uno nu kinyonyoanyo, aitumo na sampoto'utusan anu daagi' mae ohani hi Elimelekh. Lantas i lagamo i Boas na ia, “Kita utus, imbo' suhang pe'e mae aiya!” Mian aijo' tinokamo mae ka' sinumuhang.