I RUT 3:12 - KITAB NU TUMPU ALLA LELE MA'IMAI'

¹² Memang totu'umo, aku tionyo ahi' montoakon kantumuu'an nu beleyum, kalana aku daagi' mae ohani sampoto'utusan nu beleyum. Panyo daagi' ko mian sangga'at na tionyo ahi' montoa kantumuu'an nu beleyum. Ka' ia ahi' na sampoto'utusan anu lebe ohani molingkudui aku.

I RUT 3:12 ပူးပေါင်းရင်းမြစ်များ

MATIUS 7:12

O bau na mian sangga'at sumo apaa na anu oka'ima'i nu bau nu aha hi komiu. Aijo'mo na batunyo nu atulan i Musa, ka' pangajalan nu to nabi-nabi.”

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

I RUT 2:20

“Anaku, mian itina' daagi' sampoto'utusanto anu daagi' ohani hondo mae tiba kita,” na koonyo i Na'omi, “Ia memang tionyo ahi' montolukakon kasusa'anto. O'amalakon da Tumpu mombalakati ia. Tumpu saja' mongganapi apaa na anu jinanji'-Nyomo, mau hi aha anu daagi' tutuu', mau mule' hi aha anu sinilakamo.”

I RUT 3:11

Kalana aijo', boli bata-bata, Rut. Iwi-iwi' na anu pinoitamo nu beleyum aijo' ku sidahimo; kalana iwi-iwi' na mian i kota aiya nonsumbu'mo beleyum taalu' samian na boune anu manonong hondo.

I RUT 3:13

Pihi uuka jojoong pe'e na beleyum i aiya. Dodop daagi' subu ku pokilawaje pa' ia mongka'oho' montoakon apaa na anu nu palalui nu beleyum aijo' kabai madi'. De ia mongka'oho', yo ma'ima'mo; panyo de ia madi' mongka'oho, saba' ku janji'mo tiba sanggo nu Tumpu Allah anu tumuu' akumo na montoakon kantumuu'an nu beleyum aijo'. Uuka aiya hoyotmo i aiya sampe toka dodop subu.”

I RUT 4:1

I Boas nambamo i tampat anu lewa' kasingkabotan i sabatan daka' i kota. Salatan ia sinumuhangmo ikiijo' notulumo na mo'ane samian, koonyo i Boas i uno nu kinyonyoanyo, aitumo na sampoto'utusan anu daagi' mae ohani hi Elimelekh. Lantas i lagamo i Boas na ia, “Kita utus, imbo' suhang pe'e mae aiya!” Mian aijo' tinokamo mae ka' sinumuhang.

I RUT 4:4

Ka' kugantang beleyum tionyo ahi' suele monsumbu' han aijo'. De beleyum ko kahanda' mongoli, poto'i mae aiya i ahop nu to mia-mian anu suha-suhang i aiya. De madi', yo poto'imo mae hondo-hondo, kalana ola kita ohua' na ko hak i han aijo'; beleyum na anu momona lapas aijo' akuje.” Tinaaman nu mian aijo', “Ii', akumo na mongoli.”