I RUT 2:7 - KITAB NU TUMPU ALLA LELE MA'IMAI'

⁷ Ia nompoita hi belengku da opobee' na mompayuntun to mia-mian anu mompadak montoluki gandum anu manabu'. Daagi' pe'e subu na ia nokalajamo, ka' uuka aiya sala'je na nilawe aiya i tahop.”

I RUT 2:7 ပူးပေါင်းရင်းမြစ်များ

AMSAL 13:4

Anu moluluk manjoo' na anu nu ka'ima'i panyo sa'angu' pe'e madi' ko anu nu humpak; panyo mian anu makeke mokalaja mohumpak apaa na anu nu ka'ima'i.

AMSAL 15:33

Mabuhuk hi Tumpu atina'mo na tampu'unannyo nu pangajalan anu ma'ima', panyo madi' kobubuun na kinyonyoa na obau pe'e ahi' momona atina'je ka' kaholomatan.

AMSAL 18:23

Mian anu kasiasi de mompoita mompake atulan mian anu kaya de montaami tolosega.

AMSAL 22:29

Toho'mo beleyum nontoa mian anu pande na mombau pakalaja'annyo? Mian aijo' opokalajamo i jojoongan nu to tomu-tomundo, misa'mo ola i laigan nu mian biasa.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

MATIUS 5:3

“Bila-bilahi na mian anu mongoa'i madi' moko ala, ka' ola montaha'imani Tumpu samata-mata; aha ninsoopmo mian anu palesayamo hi Tumpu!

ROMA 12:11

Makeke na mokalaja. Boli moluluk. Mombau kalaja nu Tumpu o bika-bikasakon nu Roh nu Tumpu na mokalaja.

GALATIA 6:9

Kalana aijo', boli kita ma'osa na mombau hahan anu ma'ima', kalana de kita madi' belenti, na mombau hahan aijo', kita mohumpakje hasinnyo.

EFESUS 5:21

Bau pongadati i Kristus, maunyo ahi' komiu mompaha hongo-hongo samian ka' samian.

I RUT 2:2

Daagi' kino sansinaan i Rut notataemo hi Na'omi, “Kita Tinangku, ku poita da aku mamba i ale' da' montoluki gandum pa' ko anu manabu' i lima nu anu mompadak. Ku tutugi tantu daagi' ko mian anu mompobee' aku mombau sumo aijo'.” “Ii'mo anaku!” tinaaman i Na'omi, “lako'mo!”

I RUT 2:21

Lapas aijo' notatae mule' na i Rut, “O kita Tinangku, pinoto'i nu mian kiijo' mule' da aku sabole-bole saja' montoluki gandum hingga-hinggat tiba anu mokalaja hi ia sampeje ahi' iwi-iwi' opoko padakmo.”

I RUT 2:6

Mandonnyo aijo' nontaami, “Ia boune aha bansa Moab anu sala'je tinoka tiba i Na'omi lengkat mae i Moab.

I RUT 2:8

Lantas i Boas notataemo hi Rut, “Soba hongo pe'e mae. Bolimo mamba montoluki gandum hi ale' nu mian sangga'at. Pontolukimo i aiya tiba to mia-mian anu mokalaja hi belengku aha to bou-boune. Otoa iya na mamba pompadakan nu aha. Saja' obatuki na aha ka' boli matijo'on hi aha. De beleyum megotmo ala na uee i gumbang haha aijo' anu ingisianmo nu to momo'ane anu mokalaja. Pinalentahkonkumo da aha boli mompoposia beleyum.”