I RUT 2:4 - KITAB NU TUMPU ALLA LELE MA'IMAI'

⁴ Madi' pinin i Boas tinokamo lengkat mae i Betlehem ka' nontabea'i to mia-mian anu mompadak, “O amalakon da Tumpu monjagai belemiu,” na koonyo. To mia-mian anu mompadak nontaami, “O amalakon da Tumpu mombalakati belento Tuuma.”

I RUT 2:4 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

KAJADIAN 28:3

O amalakon da Tumpu Allah Anu Daka' hondo na kuasanyo mombalakati po'osoan nu beleyum ka' mombee'i beleyum makumpu manjoo', sahingga beleyum timbalimo mompolee' nu bansa anu manjoo'mo.

1 TAWARIKH 2:51

I Salma anaknyo anu ko ohua'nyo, iamo aijo' na nombau kota' Betlehem; ka' i Haref anaknyo anu ko totolu'nyo, iamo aijo' na nombau kota' Bet-Gader.

MAZMUR 118:26

Balakatiakon mae na ia anu toka mae momboa mae sanggo nu Tumpu, obalakatimo mami na belemiu nu balakat anu lengkat mae i Laigan nu Tumpu.

MAZMUR 134:3

O'amalakon da belemiu mohumpak balakat nu Tumpu lengkat i Sion, anu nompotimbalimo langit ka' tano'!

YEREMIA 31:23

Tumpu Anu Mahakuasa, Tumpu Allah Israel notatae, “De maluanyo mian anu palesayamo hi beleng-Ku, Ku pojadimo ma'ima' na kantumuu'an nu aha susumo naipuan mae, sahingga ilipu' Yehuda tiba ikampungnyo anu toto ise-ise' ohongo mule' na mian motatae, ‘O amalakon da Tumpu mombalakati puge'nyo anu susi' i Yerusalem tampat samata-mata ola Ia na monjojoongi.’

NOMBILANGMO 6:24

O amalakon da Tumpu mombalakati ka' mompotuu' belemiu.

LUKAS 1:28

Malaikat aijo' tinoka hi Maria ka' notatae, “Tabea' hi kita anu nu balakati nu Tumpu molabi-labi! Tumpu mosangalu hi beleyum!”

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

1 TIMOTIUS 6:2

To posa-posaihon anu tuannyo mian Kristen, madi' timbali monte tuannyo kalana aha bubu' mian Kristen. Ola ahi' aha tionyo mohongo-hongo palentah nu tuan nu aha aijo' tiba lebe mule' ma'ima', kalana tuan anu ohongo-hongo ma'ima' na palentahnyo aijo' bubu' mian palesaya anu okalibosi. Iwi-iwi' aiya tionyo ahi' beleyum mongajanakon ka' opokinde'akon.

2 TIMOTIUS 4:22

O'amalakon da Tumpu saja' monsangalui beleyum. O'amalakon da Tumpunto mombalakati to Utu-utus! Tabea' mami, I Paulus 10

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

TO MIA-MIAN KOPIAN 6:12

Malaekat nu Tumpu aijo' nanintoamo hi ia, “O, olitau anu mahoson ka' baani! Tumpu monsangaja'imo beleyum!”

TO MIA-MIAN KOPIAN 6:16

“Moko ala mombau na beleyum!” na koonyo nu Tumpu, “kalana Akumo na montulungi beleyum. Aha mian nu Midian dengke na beleyum mompatei ola susumo beleyum mongahopi samian.”

I RUT 2:3

Jadi nambamo na i Rut i ale' ka' nontoluki gandum nompayuntun to mia-mian anu mompadak. Pinopatunyo tempo'nyo aijo' ia nambamo hi ale' i Boas.

I RUT 2:5

Lantas i Boas nolelekimo hi mandonnyo, “Ihe na boune aijo'?”

I RUT 4:11

To tu'a-tu'anyo ka' mian sangga'at anu ikiijo' notatae, “Ii', kamimo na nonsakisi. O amalakon mami da Tumpu mompotimbali bengkele' nu beleyum aijo' sumo i Rahel ka' i Lea anu nohampeakon manjoo' na anak hi langkai'nyo nu aha i Yakub. O amalakon mami da beleyum kaya hi aha to mia-mian lee' mae i Efrata ka' o amalakon da beleyum talasanggo i Betlehem.

1 SAMUEL 17:37

Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”