I RUT 2:20 - KITAB NU TUMPU ALLA LELE MA'IMAI'

²⁰ “Anaku, mian itina' daagi' sampoto'utusanto anu daagi' ohani hondo mae tiba kita,” na koonyo i Na'omi, “Ia memang tionyo ahi' montolukakon kasusa'anto. O'amalakon da Tumpu mombalakati ia. Tumpu saja' mongganapi apaa na anu jinanji'-Nyomo, mau hi aha anu daagi' tutuu', mau mule' hi aha anu sinilakamo.”

I RUT 2:20 ပူးပေါင်းရင်းမြစ်များ

2 SAMUEL 2:5

ia nonsaimo mian namba nokiijo' da mompotoka potuunon, “O'amalakon da Tumpu mombalakati belemiu kalana belemiu nompotoamo kanonongan nu belemiu hi tomundo' nu belemiu, nolamunmo bangke'nyo.

2 SAMUEL 9:1

Daagi kino sansinaan i Daud nolelekimo, “Pa' daagi ko anu tinumuu' na lee' mae i Saul? De pa' daagi aku ko kahanda' ma'ima' hi ia kalana aku monginau' i Yonatan.”

AYUB 19:25

Ku sumbu' kiita' i suluga' daagi' ko anu monsangaja'i aku; ahennyo mae Ia na toka mae montulungi aku.

AMSAL 17:17

Samian na bela' saja' montuluti sangalunyo; panyo samian na utus bubu' montanggung kasusa'an.

IMAMAT 25:25

De samian na aha mian Israel kinasiasimo sahingga ia mompobalukmo tano'nyo, anu daagi' hondo ohani na moto utus na tionyo mololo'i tano' aijo'.

FILIPI 4:10

I uno nu kantumuu'anku anu nosa'angu'mo tiba Tumpu, ku oa'i ma'ima' hondo, kalana salatan sumo uukamo na kopinnyo, uuka aiya komiu po'ule' mule' mompopikilakon mosia na kantumuu'anku. Patunyo nu potataengku misa' kalana ugaat komiu nongkolilimimo aku; komiu memang monginau' aku, panyo komiu madi' ko tempo' mompotoa mae pontulungi.

I RUT 2:21

Lapas aijo' notatae mule' na i Rut, “O kita Tinangku, pinoto'i nu mian kiijo' mule' da aku sabole-bole saja' montoluki gandum hingga-hinggat tiba anu mokalaja hi ia sampeje ahi' iwi-iwi' opoko padakmo.”

I RUT 3:12

Memang totu'umo, aku tionyo ahi' montoakon kantumuu'an nu beleyum, kalana aku daagi' mae ohani sampoto'utusan nu beleyum. Panyo daagi' ko mian sangga'at na tionyo ahi' montoa kantumuu'an nu beleyum. Ka' ia ahi' na sampoto'utusan anu lebe ohani molingkudui aku.

I RUT 4:14

To bou-boune notataemo hi Na'omi, “O puji' na Tumpu! Ia nombee'imo samian na makumpu mo'ane hi belento sinaa aiya da mompotuu' beleyum. O amalakon da anak aitu timbali talasanggo hi aha Israel!

I RUT 4:4

Ka' kugantang beleyum tionyo ahi' suele monsumbu' han aijo'. De beleyum ko kahanda' mongoli, poto'i mae aiya i ahop nu to mia-mian anu suha-suhang i aiya. De madi', yo poto'imo mae hondo-hondo, kalana ola kita ohua' na ko hak i han aijo'; beleyum na anu momona lapas aijo' akuje.” Tinaaman nu mian aijo', “Ii', akumo na mongoli.”

I RUT 4:6

Mian aijo' nontaami, “Desumo itina' aku madi' moko ala. Uuka aiya aku madi'mo ko hak salaku mian anu momona tionyo mongoli tano' aijo'. Madi' ko gunanyo na aku mongoli, kalana tano' aijo' tantu madi' timbali da lee'kumo na tumpunyo. Sahanyo beleyumo na mongoli.”