I RUT 2:15 - KITAB NU TUMPU ALLA LELE MA'IMAI'

^15-16 Lapas aijo' i Rut namba mule' nontoluki gandum. Salatan ia nambamo i Boas nompoto'imo hi anu mompadak haha aijo', “De ia montoluki gandum anu pinaha puutanmo, bakasmo. Boli montaloakon ia kabai montambuha'i ia dumo ia ma'ambang. Aitu pe'e sahanyo ototonggolakon nu belemiu na mombubut toto sangkoeng anu pinaha puutanmo aijo' ka' opotimpas da nu toluki.”

I RUT 2:15 ပူးပေါင်းရင်းမြစ်များ

IMAMAT 19:9

De belemiu mompadakmo, bolimo mompadak gandum anu tumuu' i duhu-duhuk nu ale' nu belemiu, ka' bolimo molimu' gandum anu pinala'ianmo salatan belemiu noko padakmo.

IMAMAT 23:22

De belemiu mompadakmo, boli opadak na gandum anu tumuu' i habe' nu ale' nu belemiu ka' boli po'ule' mompinsusule'i gandum anu pinala'ianmo de lapasmo moko padak. Pojohokmo da nu ala nu mian kasiasi ka' mian anu lengkat mae i salipu'an. Tumpu atina'mo na Tumpu Allah nu belemiu.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

I RUT 2:14

Salatan tempo'nyomo pongkaananmo, i Boas notataemo hi Rut, “Imbo' nongkaanmo. Aiya na salamotnyo.” Jadi i Rut nongkaanmo hingga-hinggat tiba anu mompadak haha aijo'. Ka' mule' i Boas nombee'imo gandum anu pinanggang hi ia, ka' kinaanmo i Rut sahingga nobosumo. Noko kaan, daagi' kino labinyo.