I RUT 2:12 - KITAB NU TUMPU ALLA LELE MA'IMAI'

¹² Ku amalakon da Tumpu mombalosi iwi-iwi' na ka'ima'an nu beleyum. Ku amalakon da beleyum mohumpak apaa na anu patut obee' hi beleyum nu Tumpu, Tumpu Allah Israel, kalana beleyum tinokamo mae mompoita da Ia na monjagai.”

I RUT 2:12 ပူးပေါင်းရင်းမြစ်များ

MAZMUR 17:8

Potuu'akon mae na aku susumo batu nu mata nu Belento, posulukakon mae na aku i uno nu polipik nu Belento na montindungi mae aku

MAZMUR 19:11

Atulan nu Tumpu lebe ko angga'nyo molingkudui mosoni' anu madi' ko galo'nyo, lebe matami' molingkudui juu' nu uwani' anu madi' ko galo'nyo.

MAZMUR 36:7

Kanonongan nu Belento matunjo hondo sumo ko tangkasnyo nu bungkutnyo, ka' ka adinan nu Belento sumo koleengnyo nu ndalangon; manusia tiba binatang Belento na mompotuu' o Tumpu.

MAZMUR 57:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud, tempo'nyo ia nopalaimo ninsoop i uno nu liang da madi' nukabot i Saul.

MAZMUR 58:11

Montoa mian anu ma'idek na kinyonyoanyo i hukumo, mian anu hodi' na kinyonyoanyo i lame'mo, ka' mombaso'imo tengkenyo i baso' nu mian anu palaganta.

MAZMUR 61:4

kalana hi Belentomo na pihohunganku, tampat anu mahoson hondo madi' nupoko ala nu sampobali'ku mompinsoopi mae.

MAZMUR 63:7

Tempo'nyo ko mamale' i kahoyotan, ku inau' na Belento, sampahu-pahu aku saja' mompotutugakon Belento;

MAZMUR 91:4

Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

AMSAL 11:18

Ka'untungan nu mian anu ma'idek na kinyonyoanyo madi' totu'u; panyo ka'untungan nu mian anu mombau anu ma'ima' aijo'mo na ka'untungan anu memang sahondo-hondonyo ahi'.

AMSAL 23:18

da kantumuu'an nu beleyum anu aiya mae i ahop timbali ma'ima ka' anu nu taha'imani madi' mokangkan.

YEREMIA 31:16

Hokotmo bolimo humang ka' sapuimo na lolu' nu beleyum! Madi' ola palasuma na lawe nu belemiu nompalakai to ana-anak nu belemiu. Kona hi belemiu tantu ko hukuman anu obee' to ana-anak nu belemiu minsusule'mo mae lengkat i lipu' nu sampobali'.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

MATIUS 5:12

To nabi-nabi anu tinumuu' ma'isa pe'e kino komiunyo sinakisamo sumo aijo'. Oposanaang ka' opolame' na kinyonyoa, saba' daka' na tamboo anu pinosadiakon nu Tumpu bau bagi miu.”

MATIUS 6:1

“O inau', boli komiu mompojalan palentah nu agama i ahop nu mian da'isan da nu toa nu mian. De komiu mombau sumo aijo', komiu madi' mohumpak tamboo nu Tuumaum i suluga'.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

2 TIMOTIUS 1:18

Ka' beleyum nonsumbu'mo saba' kiijo' mae i Efesus ia saja'mo hondo nontulungi mae aku. O'amalakon Tumpu mompotoa kalibosannyo hi ia, detakamo i sinaanyo na Tumpu momputusimo iwi-iwi' na mian.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

IBRANI 11:26

Nu oa'i i Musa lebe ko angga'nyo na opopo'ambang kalana palesaya hi Tomundo anu Momposalamat anu jinanji'mo nu Tumpu Allah aijo', pojohok mau madi' mohumpak iwi-iwi' na halata' nu lipu' Mesir, kalana i Musa montaha'imani tambonyo i sinaa anu aiya mae o ahopi.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

I RUT 1:16

Panyo tinaaman i Rut, “O Tinangku, boli belento Tinangku monsai aku da minsusule'mo ka' mompala'imo kita Tinangku. Aku mombatukimo kita Tinangku. Mau mule' pa' moya na belento Tinangku mamba, ku batukimo. Mau mule' pa' iya na kajojoongan nu belento Tinangku, ikiijo'mo suele na kajojoonganku. Bansa nu belento Tinangku, aijo'mo na bansangku. Tumpu Allah anu osombah nu belento Tinangku, aijo'mo suele na ku sombah.

I RUT 2:11

I Boas nontaami, “Aku nohongomo iwi-iwi' apaa na anu binaumo nu beleyum hi monian nu beleyum salatanmo pe'e langkai' nu beleyum sinilaka. Ku sumbu' na beleyum nompala'imo mae tuuma ka' tinanu beleyum ka' tano' kinahampean nu beleyum kalana tokamo mae ka' jojoongmo i aiya tiba to mia-mian anu ma'isa mompahasumbu' beleyum.

I RUT 2:13

Tinaaman i Rut, “Kita Tuuma totu-totu'u mongkanonongimo mae aku mau mule' aku madi' pokakana tiba anu mokalaja hi belento Tuuma. Kanonongan nu belento Tuuma nomposanangmo hondo kinyonyoangku.”

I RUT 4:15

Monian nu belento aijo' mongkalibosi hondo belento. Ia nombee'imo belento lebe molingkudui apaa na anu binee'mo nu aha popitu' na anak mo'ane. Uuka aiya ia nombee'imo samian na makumpu mo'ane hi beleyum anu momposanangje kantumuu'an nu beleyum ka' mompotuu' belento de bengkele'mo na belento.”

1 SAMUEL 24:19

Kalakuanku anu ma'idek hi beleyum ola binalosakon nu beleyum nu ka'ima'an. Sinaa uuka aiya pinotoamo nu beleyum na niat ma'ima' hi belengku, kalana beleyum madi' nompatei aku, binee'mo nu Tumpu sabenannyo na aku hi beleyum.

1 SAMUEL 24:20

Ma'isa toho' kino samian anu singkabotmo tiba sampo bali'nyo ka' ola pinobakasnyo na ia, tumuu'! Jadi o'amalakon da Tumpu mombalakati beleyum kalana nombaumo han anu ma'ima' hi belengku sinaa aiya!