I RUT 1:9 - KITAB NU TUMPU ALLA LELE MA'IMAI'

⁹ Ku amalakon da Tumpu mombee'ije anu mongosoai belemiu da belemiu po'ule' mule' ko posi au-auwan.” Noko taloakon sumo aijo', i Na'omi siniloloamo hi aha ka' ingokannyomo na aha. Panyo i Orpa ka' i Rut i humangmo hoso-hoson,

I RUT 1:9 ပူးပေါင်းရင်းမြစ်များ

KAJADIAN 27:27

Salatan i Yakub nongohanimo kahanda'mo mongooki ia, i Ishak nongookmo nohong nu baju' i Esau, lantas binalakatannyomo na ia. Koonyo i Ishak, “Nohong nu anakku ma'i-ma'ima' sumomo nohong nu padang anu binalakatanmo nu Tumpu.

KAJADIAN 29:11

Lapas aijo' ingookannyomo na i Rahel, ka' i humang kalana nolibosmo.

KAJADIAN 31:28

Pakalaus mule' beleyum madi' nombee'i kasampatan aku nongooki to maku-makumpungku salaku tanda poga'a-ga'atan. Ponga' hondo na kalakuan nu beleyum!

KAJADIAN 45:15

Lapas aijo', hau-haunyo daagi' humang, i Yusuf nontanggogolimo iwi-iwi' na to utu-utusnyo, ka' nongookimo aha. Lapas aijo' aha lewa'mo binasale' tiba ia.

SISIKON NU TO RASUL-RASUL 20:37

Aha iwi-iwi' i humaang ka' nontanggogoli i Paulus ka' nontaloakon o pia mae i jalan.

I RUT 1:10

ka' notataemo hi Na'omi, “Madi', kita Tina! Kami mombatukimo kita Tina mambamo hi bansa nu kita Tina.”

I RUT 1:8

i Na'omi notataemo hi ua'aha na moniannyo aijo', “Belemiu sahanyo pinsusule'mo i laigan nu tina nu belemiu. Ku amalakon hi Tumpu da mongkanonongi belemiu, susumo belemiu suele nongkanonongimo aku ka' hi aha anu sinilakamo aijo'.

I RUT 3:1

Lapas aijo' madi' pinin, i Na'omi notataemo hi Rut, “Ku lioakonmo jalan na beleyum da po'ule'mo mo'osoa ka' da mohumpakmo ka'ima'an.