I RUT 1:20 - KITAB NU TUMPU ALLA LELE MA'IMAI'

²⁰ “Bolimo olaga na aku i Na'omi,” na koonyo i Na'omi, “Lagamo na aku i Mara, kalana Tumpu Allah Anu Daka' na kuasanyo nompojohokmo aku da saja' nongoa'i kasansala'an.

I RUT 1:20 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 43:14

O amalakon da Tumpu Allah Anu Daka'hondo na kuasanyo mompotimbali gubernur itina' molibos hi belemiu sahingga ia mongka'oho' monsule'akon mae i Benyamin ka' i Simeon hi belemiu. Mongkona aku aiya, de aku memang madi'mo ahi' ko to ana-anakku yo bemanau'.”

AYUB 11:7

Te nupoko ala mule' nusumbu' nu beleyum totu-totu'u na tanga'an nu Tumpu Allah anu sahondo-hondonyo? Te nupoko ala mule' nusumbu' nu beleyum na kuasa-Nyo?

AYUB 19:6

Osumbu'mo ahi' na aku aiya sinakisamo nu Tumpu Allah, ka' i hakop-Nyomo nu talong-Nyo.

AYUB 5:17

Untung na beleyum de daagi' nupisala'i nu Tumpu Allah na beleyum! Boli ise-ise' na kinyonyoa de nu alu na beleyum.

AYUB 6:4

Pana' anu pinana'akon mae nu Anu Daka' hondo na kuasanyo nolampasmo butongku; bisa'nyo nonsongkohimo butongku. Tumpu Allah talalo ahi' okabuhuk, ka' nontumbuhimo mae aku susumo gombuan nu mian anu mongewamo mae.

AYUB 9:18

Madi'mo pinobee'-Nyo na aku ningkinyonyoa maumo ola sangkinihap, ka' mule' pinaka tuangan-Nyomo na aku nu kasansala'an anu talalomo hondo.

MAZMUR 73:14

Kalana sansina-sinaa aku saja' nu tokai mae nu balaa'; de subu-subumo aku osakisamo.

MAZMUR 88:15

O, Tumpu kadaka' Belento madi'mo mongkalinga aku? Kadaka' Belento mosiloimo madi'mo montoa mae aku?

NOSABATMO 15:23

Lantas aha tinokamo i tampat anu osanggohi Mara, panyo uee ikiijo' mapakat hondo, sahingga madi' timbali o inum. Kalana aijo' tampat aijo' sinanggohanmo Mara, alati'nyo mapakat.

NOSABATMO 6:3

Aku suele nombaumo palajanjian tiba aha. Aku binalajanji'mo, Ku bee'mo na lipu' Kana'an hi aha, lipu' tampat kinajojoongan nu aha naipuan mae tinumuu' salaku mian anu i salipu'an.

YESAYA 38:13

Sampahu-pahu na aku mongkadede'akon untuk, ku oa'i na bukungku iwi-iwi' nu hansunimo nu sa'angu' na singa; aku nonganggap Tumpu mongkodo'imo kantumuu'anku.

IBRANI 12:11

Memang tempo'nyo kita pinokinde'an hukuman aijo' madi' momposanang kinyonyoanto, panyo ola monsakiti kinyonyoa. Panyo lapas mae na aijo', kona hi kita anu pinokinde'anmo hukumanmo aijo' na monsabapi kita da tumuu' mombatuki pongka'oho' nu Tumpu Allah, ka' monta'upje ka'ima'an na kita.

ANU PINOTO'I HI YOHANES 1:8

“Akumo na anu i momona ka' anu i mihinyo,” koonyo nu Tumpu Allah, anu polo-polo'mo daagi', ka' anu daagi'mo, ka' anu sidu-sidutu' sabole-bole daagi', Anu Matangkas na Kuasanyo.

ANU PINOTO'I HI YOHANES 21:22

Aku madi' nontoa Laigan nu Tumpu i kota aijo', kalana Laigan nu Tumpu-Nyo atina'mo Tumpu, Tumpu Anu Matangkas na kuasanyo ka' Anak nu Domba aijo'.