I RUT 1:17 - KITAB NU TUMPU ALLA LELE MA'IMAI'

¹⁷ Pa' iya mae na kasilakan nu belento Tinangku ikiijo' suele na kasilakanku ka' polamunan aku. Nu hukum nu Tumpu hondo-hondo na aku, de aku mongka'oho' mompala'i belento Tinangku, beilako' silakamo yo moga'atmo na kita!”

I RUT 1:17 ပူးပေါင်းရင်းမြစ်များ

2 SAMUEL 15:21

Panyo tinaaman i Itai, “Belento Anu Talasanggo, i uno nu sanggo nu anu tumuu' ka' kalana nyawa nu belento Tuanku, maumo pa' moya na belento Tuanku mamba, ku batuki, mau mule' mongahopimo kapaten.”

2 SAMUEL 19:13

Ka' mule' i Daud nompokaumo aha da mompoto'i hi Amasa sumo uuka, “Temisa' beleyum suele julungku mae ahi'? Uuka aiya beleyum ku hangkatmo bau talenga' nu suludadungku pombolosi i Yoab. Tumpu Allah na monsilakai mae aku de madi' ku totu'ui na anu tinaloakonkumo aiya!”

2 SAMUEL 3:35

Sansina-sinaa na mian mongkakase i Daud da mongkaan ahi' sangkiding panyo ia binasumpa'mo, “Ku poita da Tumpu Allah mompateimo mae aku, de aku mongkaanmo ma'isa pe'e makakinsap na batu nu sinaa!”

2 SAMUEL 3:9

Sahanyo i Daudmo na kutulungi, pakalaus mule' jinanji'mo nu Tumpu hi ia na da'erah anu nu palentah i Saul aiya obee'mo hi Daud, ka'lee' i Saul madi'mo timbali ohangkat bau tomundo', jadi i Daudmo ahi' na bau tomundo' montomundo'i Israel tiba Yehuda songko-songko. Tumpu Allah na mompatei aku de madi' kubau na palajanjian nu Tumpu Allah hi Daud aijo'.”

1 TOMU-TOMUNDO' 13:31

Lapas aijo' nabi anu ilangkai'mo aijo' notataemo hi to ana-anaknyo, “De aku silakamo, lamun na aku i lamunan aiya koko nabi ai-aitu.

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

1 TOMU-TOMUNDO' 2:23

Noko taloakonnyo sumo aijo' binasumpa'mo na i Salomo i uno nu sanggo nu Tumpu, “Bakasmo na aku da nukona nu kutuk nu Tumpu, de madi' kupokonai hukuman mate na i Adonia, kalana ia nompoitamo sumo aijo'!

1 TOMU-TOMUNDO' 20:10

“Tomundo' mami nonsaimo mae suludadu manjoo' hondo toka mae mongidei kota nu belemiu, sahingga abu nu kota anu motoyo'mo aijo' me sangkakup na nukakup nu aha ka' nu boa nu aha. Ia binasumpa'mo da nu hukum nu to pilo-pilogot, ka' nu patei na ia, de han aijo' madi' nu bau!”

2 TOMU-TOMUNDO' 6:31

I Tomundo' notataemo daka-daka', “Sinamo aiya na kapatean i Elisa. Pojohokmo da nupiboatimo nu Tumpu Allah na mohukum mae aku, panyo ku pateimo na i Elisa!”

MAZMUR 45:10

Misa' ola dayang-dayang na kiijo' ilaigan nu tomundo. Panyo daagi' mule' ahi' ko to lalangkoyang nu tomundo'. Ikoanan nu kadela nu tomundo' tinjo-tinjo na bengkele' nu tomundo'. Nipakemo nu palahiasan mosoni' anu madi' kogalo'nyo.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

I RUT 1:16

Panyo tinaaman i Rut, “O Tinangku, boli belento Tinangku monsai aku da minsusule'mo ka' mompala'imo kita Tinangku. Aku mombatukimo kita Tinangku. Mau mule' pa' moya na belento Tinangku mamba, ku batukimo. Mau mule' pa' iya na kajojoongan nu belento Tinangku, ikiijo'mo suele na kajojoonganku. Bansa nu belento Tinangku, aijo'mo na bansangku. Tumpu Allah anu osombah nu belento Tinangku, aijo'mo suele na ku sombah.

I RUT 4:15

Monian nu belento aijo' mongkalibosi hondo belento. Ia nombee'imo belento lebe molingkudui apaa na anu binee'mo nu aha popitu' na anak mo'ane. Uuka aiya ia nombee'imo samian na makumpu mo'ane hi beleyum anu momposanangje kantumuu'an nu beleyum ka' mompotuu' belento de bengkele'mo na belento.”

1 SAMUEL 14:44

I Saul notataemo hi ia, “Sahanyo aku na ohukum nu Tumpu Allah de beleyum Yonatan na madi' mohumpak hukuman osilakai!”

1 SAMUEL 20:13

De ia ko kahanda'mo mompatei beleyum maka tionyo ahi' suele kupoto'i hi beleyum da mopalai. O'amalakon da Tumpu mompatei aku de han aijo' madi' kubau. O'amalakon da Tumpu montulungi beleyum susumo ia suele tinulungan-Nyomo!

1 SAMUEL 25:22

Sahanyo pateimo mae na aku Tumpu Allah de madi' ku patei iwi-iwi' na to momo'ane anu kiijo' mae ma'isa pe'e bete' na sinaa.

1 SAMUEL 3:17

I Eli nompokilawamo, “Apaa na anu pinoto'imo nu Tumpu hi beleyum? Sisik mae iwi-iwi' hi belengku. De daagi nu pohowini, beleyum nu hukumo nu Tumpu Allah.”