I RUT 1:14 - KITAB NU TUMPU ALLA LELE MA'IMAI'

¹⁴ I Rut tiba i Orpa i humangmo mule', daka-daka' lapas aijo' i Orpa siniloloamo ka' ingokannyomo na moniannyo lantas ia ninsusule'mo. Panyo i Rut madi' mongka'oho' moga'at tiba moniannyo aijo'.

I RUT 1:14 ပူးပေါင်းရင်းမြစ်များ

KAJADIAN 31:28

Pakalaus mule' beleyum madi' nombee'i kasampatan aku nongooki to maku-makumpungku salaku tanda poga'a-ga'atan. Ponga' hondo na kalakuan nu beleyum!

KAJADIAN 31:55

Dodo dodopnyo subu-subu i Laban nompaha o'ooki mo salaku tanda moga'a-ga'atmo tiba makumpunyo, nombalakatimo aha lantas ninsusule'mo i tampat kajojoongannyo.

2 SAMUEL 19:39

Lapas aijo' i Daud tiba suludadunyo iwi-iwi' notaapmo i Kaunyo nu Yordan. Lantas ingokanmo i Daud na i Barzilai ka' siniloloamo hi ia. Lapas aijo' ninsusule'mo na i Barzilai ilaigannyo.

1 TOMU-TOMUNDO' 19:20

Sahingga pinala'ianmo i Elisa na sapi'nyo haha aijo' ka' nopadeka'mo nololoi' i Elia, ka' notatae, “Pobee' pe'e mae na aku mamba hi tu'anyongku momoita da nu pobee' mae na aku, lapas aijo' aku mombatukije belento Tuuma.” Tinaaman i Elia, “Ii' lako' pe'e. Madi' ku tewa' na beleyum.”

AMSAL 17:17

Samian na bela' saja' montuluti sangalunyo; panyo samian na utus bubu' montanggung kasusa'an.

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 19:22

Nohongo potatae aijo', olitau aijo' namba ka' sinusa' na kinyonyoa, kalana ia talalo kaya.

SISIKON NU TO RASUL-RASUL 17:34

Panyo daagi' ko anu aijo' hi aha na mosambiha' hi Paulus ka' palesaya hi Yesus, aijo' hi aha: I Dionisius mian anu ko pangkat mokalaja i Areopagus, ka' samian na boune sanggonyo i Damaris, ka' to pia-piangkuka mule' na mian.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

PO'ULE' INGULIT 4:4

panyo belemiu anu sabole-bole tulu-tulutan hi Tumpu Allah nu belemiu, daagi' tumuu' sampe tempo' uuka aiya.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.

I RUT 1:13

te belemiu daagi' mongka'oho' montanda'i sampe aha daka'? Ka' mule' kalana han aijo' belemiu madi'mo timbali mo'osoa tiba mian sangga'at? Madi', anaku, boli sumo aijo'! Aku susa' hondo na montutugi apaa na anu o'oa'i miu saidi' mae kalana hukuman nu Tumpu hi belengku.”

I RUT 1:15

Notataemo na i Na'omi hi ia, “Rut, Toa aijo'! Dawok nu beleyum ninsusule'mo hi bansanyo ka' hi to pilo-pilogotnyo. Lako'mo na beleyum suele, anaku batukimo na ia ninsusule'mo!”

I RUT 1:7

Aha nambamo hingga-hinggat minsusule'mo i Yehuda. Hau-haunyo i jalan,

I RUT 2:11

I Boas nontaami, “Aku nohongomo iwi-iwi' apaa na anu binaumo nu beleyum hi monian nu beleyum salatanmo pe'e langkai' nu beleyum sinilaka. Ku sumbu' na beleyum nompala'imo mae tuuma ka' tinanu beleyum ka' tano' kinahampean nu beleyum kalana tokamo mae ka' jojoongmo i aiya tiba to mia-mian anu ma'isa mompahasumbu' beleyum.