I RUT 1:1 - KITAB NU TUMPU ALLA LELE MA'IMAI'

^1-2 Tempo'nyo naipuan mae ma'isa pe'e Israel kino tomundo'nyo, lipu' nu Kana'an tinokanmo nu balaa' kasusa'an i anu okaan. Tempo'nyo aitu daagi' ko samian na mo'ane sanggonyo i Elimelekh. Ia lengkat mae hi aha mian nu Efrata, ka' kajojoongannyo i Betlehem da'erah nu Yehuda. Kalana tinokamo na tempo'nyo kasusa'an i anu okaan, sahingga ia nambamo i lipu' Moab tiba bengkele'nyo, i Na'omi, tiba anaknyo to momo'ane ua'aha: I Mahlon tiba i Kilyon. Lantas aha jinojoongmo ikiijo' mae. Tempo'nyo aha daagi' kiijo' mae, i Elimelekh sinilakamo.

I RUT 1:1 ပူးပေါင်းရင်းမြစ်များ

KAJADIAN 12:10

Panyo kiijo' i Kana'an hau-haunyo tinokanmo nu kasusa'an i anu okaan anu talalomo hondo sahingga i Abram namba nompaka pajo'onmo mule' nokiijo' i sasu selatan, i lipu' nu Mesir da jojoongmo ikiijo' mae, sampe madi'mo ko kasusa'an aijo'.

KAJADIAN 26:1

I lipu' aijo' po'ule' mule' tinoka na tempo' nu kasusa'an i anu okaan, susumo anu toho'mo jinadi tempo'nyo hi Abraham. I Ishak nangadapmo hi Abimelekh, tomundo nu aha mian nu Filistin anu kiijo' i Gerar, ka' nomoita da opobee' jojoong kiijo' mae.

KAJADIAN 43:1

Kasusa'an i anu okaan i Kana'an kino susa-susa'nyomo, ka' salatan aha sa'anakan i Yakub nongingkotimo iwi-iwi' na gandum anu binoa lengkat mae i Mesir, notataemo na i Yakub hi to ana-anaknyo, “Lako'mo mule' mamba mongoli gandum anu okaanto.”

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

1 TOMU-TOMUNDO' 18:2

Sahingga nambamo na i Elia. Tempo'nyo aitu balaa' kasusa'an i anu o kaan tinalalomo hondo sinusa' kiijo' i Samaria.

1 TAWARIKH 2:51

I Salma anaknyo anu ko ohua'nyo, iamo aijo' na nombau kota' Betlehem; ka' i Haref anaknyo anu ko totolu'nyo, iamo aijo' na nombau kota' Bet-Gader.

1 TAWARIKH 2:54

I Salma aijo'mo na anu nombau kota' Betlehem, iamo na mompolee' mae nu mian Netofa, mian nu Atarot-Bet-Yoab, ka' mian nu Zori, aijo'mo sala' sa'angu' na aha sa'anakan mae anu ohua' aijo' anu jojoong i Manahti.

MAZMUR 105:16

Tumpu nompotokamo mae tempo' nu kakulangan i anu okaan i lipu' aijo', ka' anu pinosadiamo na anu okaan iwi-iwi' ingalamo.

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

YEREMIA 14:1

Tumpu notataemo sumo uuka hi belengku mongkona tempo' nu posinaa anu tinahahumo hondo,

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

IMAMAT 26:19

Belemiu talalo hondo kobubuun, panyo Ku patundu'mo na belemiu. Ujan madi'mo tudun, sahingga tano' nu belemiu timbalimo mapengges ka' mokutmo sumo besak.

AMOS 4:6

Akumo na anu mombee'i balaa' ka ohopan hi belemiu iwi-iwi' na kota' nubelemiu, panyo belemiu madi' po'ule' minsusule' mae hi beleng-Ku.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

PO'ULE' INGULIT 28:38

Manjoo' na bine' anu osauu nu belemiu, panyo sangkiding na bua'nyo anu o humpak nu belemiu, kalana anu osu'an nu belemiu ola ningkot nukaan nu kihi-kihi'.

TO MIA-MIAN KOPIAN 12:8

Noko lapas na i Yefta, mian nu Israel pinalentahmo i Ebzan anu lengkat mae i Betlehem.

TO MIA-MIAN KOPIAN 17:7

Tempo'nyo aijo' suele daagi ko samian na olitau hi aha tulunan nu bansa Lewi. U'utu mae ia jinojoong i Betlehem i daerah nu aha Yehuda.

TO MIA-MIAN KOPIAN 17:8

Panyo uuka aiya ia nompala'imo kota aijo' ka' nambamo nolio tampat kajojoongan sangga'at. Ia namba aijo' sinonso'mo hi laigan i Mikha i daerah nu bungkutnyo daerah nu aha Efraim.