IMAMAT 9:4 - KITAB NU TUMPU ALLA LELE MA'IMAI'

⁴ Pokau na aha monsombahkon mule' sa'angu' na sapi' lakinyo ka' sa'angu' na mee' lakinyo bau koloban pompodame. Iwi-iwi' aijo' tionyo ahi' nusombahkon nu aha hi Tumpu hingga-hinggat tiba koloban kaanon anu osombahkon anu ginalo'an nu lanya' kalana sinaa aiya Tumpu tokamo mae hi aha.”

IMAMAT 9:4 ပူးပေါင်းရင်းမြစ်များ

NOSABATMO 16:10

Hau-haunyo i Harun notataemo hi aha iwi-iwi', aha nontoamo nokiijo' i padang bola ka' monti-montiik jingka nu Tumpu kinantoaanmo i uno nu kundom.

NOSABATMO 19:11

Hipuan aha tionyo ahi' montanda'imo. I sinaa aijo' Aku mintatau'mo mae i Bungkutnyo nu Sinai, tampat anu timbali pontoan Aku.

NOSABATMO 24:16

Jingka nu Tumpu kalana nintatau'mo mae aita' i bungkutnyo aijo', ka' tinoamo nu aha mian nu Israel, sumomo apu anu i noakmo aita' i bawo nu bungkutnyo. Inganomsinaa na kinopinnyo na kundom nonsaput bawo nu bungkutnyo aijo' ka' salatan tinokamo i sinaa kino ipitunnyomo, Tumpu nolagamo i Musa potatae-Nyo lengkat mae i uno nu kundom aijo'.

NOSABATMO 29:43

Ikiijo' Aku singkabotmo tiba bansa Israel, ka' jingkang-Ku kalana Aku tokamo mae mompojadimo tampat aijo' susi'mo.

YEHEZKIEL 43:2

ka' ikiijo mae tinoangkumo na jingka anu jongkilaban hondo lengkat mae isasu kabete'an anu salaku tanda saba' Tumpu Israel tokamo mae. Potatae nu Tumpu ihongo sumomo ahi' buhok nu ndalangon, ka' mule' dunia najingkamo kalana jingka nu katokaanmo nu Tumpu.

YEHEZKIEL 43:27

Salatan lapasmo pitunsinaa na nosadia to ima-imam tionyomo ahi' montampu'unimo monsombahkon koloban aijo' i mezbah, koloban anu opotunu tiba koloban anu bau pompodame kona hi aha mian. Sahingga Aku sanangmo hi belemiu iwi-iwi'. Aku, Tumpu Anu Matangkas na Kuasanyo notataemo.”

IMAMAT 2:1

De komian momboa koloban kaanon anu osombahkon hi Tumpu, koloban aijo' tionyo ahi' labu anu ma'ima' hondo, anu odudu'i nu lanya' nu zaitun ka' okakambuhi nu kamangian.

IMAMAT 3:1

De ko mian monsombahkon sa'angu' na sapi' anu okolobanakon bau pompodame, sapi' aijo' lakinyo timbali, kabai behenyo timbali, panyo anu madi' ko panyakitnyo.

IMAMAT 9:23

Lapas aijo' i Musa ka' i Harun ninsoopmo i Kemah nu Tumpu. Lapas mae aha mosabatmo ka' mombalakatimo mian. Lantas iwi-iwi' na aha mian Israel montoamo jingka kalana tokamo na Tumpu.

IMAMAT 9:3

Lantas pokau na bansa Israel monsombahkon sa'angu' na mee' lakinyo bau koloban pongampuni dosa' ka' sa'angu' na anak nu sapi' tiba sa'angu' na anak nu domba toto sa'angu' umunnyo sataunmo ka' madi' ko panyakitnyo da bau koloban anu opotunu.

IMAMAT 9:5

Iwi-iwi' na anu pinotuunmo i Musa binoamo nu aha i ahop nu Kemah, ka' iwi-iwi' na mian sinihukmo ikiijo' da monsombahmo Tumpu.

IMAMAT 9:6

Lantas i Musa notataemo, “Tumpu nompokaumo belemiu mombau aiya de belemiu moko ala montoa jingka de tokamo na Tumpu.”

NOMBILANGMO 14:10

Iwi-iwi' na mian da'isan mongkahanda'imo mompahambunu'akon aha nu batu sampe mate. Panyo monti-montiik mian haha aijo' nontoamo jingka nu Tumpu tinokamo aijo' i Kemah-Nyo.

NOMBILANGMO 16:19

Lapas aijo' i Korah nomposihukmo iwi-iwi' na mian, ka' aha tinuminjo nompaha ahop tiba i Musa ka' i Harun i sabatan nu Kemah nu Tumpu. Monti-montiik iwi-iwi' na mian nontoamo jingka nu Tumpu anu talalo hondo majingka.