IMAMAT 9:22 - KITAB NU TUMPU ALLA LELE MA'IMAI'

²² Salatan moko sombahkonmo iwi-iwi' koloban haha aijo', i Harun montangkakon limanyo sasu mokiijo' hi mian Israel ka' mombalakatimo aha, lantas ia mintatau'mo.

IMAMAT 9:22 ပူးပေါင်းရင်းမြစ်များ

1 TOMU-TOMUNDO' 8:55

Noko lapas aijo' ia tinuminjomo, ka' ia notataemo daka-daka' nomoita hi Tumpu Allah da obalakati na mian iwi-iwi' anu sinihukmo i kiijo', ia notatae,

1 TAWARIKH 23:13

I Amram aijo'mo na tuuma i Harun tiba i Musa. (I Harun ka' lee'nyo sampe toka sidu-sidutu' tinantukanmo samata-mata mongulus iwi-iwi' na pakakas anu opake de monsombahmo Tumpu, mompapu kamangian bau pongadati Tumpu, mombau anu nu pokauhakon nu Tumpu ka' mombalakati mian da'isan i uno nu sanggo nu Tumpu.

2 TAWARIKH 6:3

Noko lapas na binalado'a, i Tomundo nosiloimo nontoa mian da'isan iwi-iwi', anu hau-haunyo tinjo-tinjo i kiijo', lantas ia binalado'amo nomoita da aha obalakati.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

NOSABATMO 39:43

I Musa nompalesamo iwi-iwi' ka' tinoanyomo taalu' aha nombaumo madi' sinala' susumo anu pinalentahkonmo nu Tumpu. Lantas binalakatanmo i Musa na aha.

NOMBILANGMO 6:22

Tumpu nompokaumo i Musa

MARKUS 10:16

Lapas nontaloakon sumo aitu, i Yesus nontangkungmo anak haha aijo', lapas aijo' Ia nompotiikmo lima-Nyo hi aha toto samian ka' nombalakatimo aha.

LUKAS 24:50

Lapas aijo', i Yesus nomboamo aha nosabat i kota tinoka i Betania. I kiijo' mae i hangkat-Nyomo na lima-Nyo, lantas nombalakati aha.

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 21:5

To ima-imam Lewi suele ahi' mamba mokiijo', kalana aha tionyo ahi' mombee'i kaputusan toto sa'angu' na palakala. Aha pinile'anmo nu Tumpu Allah nu belemiu da montuluti apaa na anu pinalentahkon-Nyomo ka' mompotokakon balakat lengkat mae hi Tumpu.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.