IMAMAT 9:15 - KITAB NU TUMPU ALLA LELE MA'IMAI'

¹⁵ Lapas aijo' ia nonsombahkonmo mee' bau koloban pongampuni dosa' nu mian. Mee' aijo' kinolotnyo ka' sinombahkonnyomo susumo koloban bau pongampuni dosa'nyo.

IMAMAT 9:15 ပူးပေါင်းရင်းမြစ်များ

2 TAWARIKH 29:24

Lapas aitu mee' haha aijo' pinahang kolotakonmo nu to ima-imam ka' baso'nyo dinudu'akonmo i mezbah salaku koloban pongampuni dosa' nu mian da'isan iwi-iwi'. Han aijo' binaumo nu aha kalana pinalentahkonmo nu tomundo da obau na koloban anu opotunu ka' koloban pongampuni dosa' hi aha iwi-iwi' mian da'isan nu Israel.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

IMAMAT 10:16

Lapas aijo' i Musa nompokilawamo mongkona mee' anu okolobanakon pongampuni dosa'. Ia pinoto'i tukoonyo mee' aijo' pinotunumo. Han aijo' nombaumo i Musa da notambuha'mo hi Eliazar ka' hi Itamar, ka' ia notataemo hi aha,

IMAMAT 9:14

Lapas aijo' isi nu kompongnyo ka' pa'anyo nu binatang aijo' binaso'annyomo ka' pinotununyomo tiba koloban anu opotunu i mezbah.

IMAMAT 9:3

Lantas pokau na bansa Israel monsombahkon sa'angu' na mee' lakinyo bau koloban pongampuni dosa' ka' sa'angu' na anak nu sapi' tiba sa'angu' na anak nu domba toto sa'angu' umunnyo sataunmo ka' madi' ko panyakitnyo da bau koloban anu opotunu.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

IBRANI 5:3

Ka' kalana ia madi' moko ala mombau apa-apaa, ia tionyo ahi' monsombahkon koloban, misa' ola kalana dosa' nu mian anu palesayamo hi Tumpu, panyo suele kalana dosa'nyo.