IMAMAT 8:3 - KITAB NU TUMPU ALLA LELE MA'IMAI'

³ Lantas pokau iwi-iwi' na mian nu Israel sihuk mae i ahop nu sabatan nu Kemah-Ku.”

IMAMAT 8:3 ပူးပေါင်းရင်းမြစ်များ

1 TAWARIKH 13:5

Jadi pinosihukmo i Daud na mian da'isan nu aha Israel songko-songko na lipu', lengkat pe'e mae i potempasan tiba Mesir sasu salatan toka-toka i jalan mamba i Hamat sasu utara, da mambamo mongala Peti' Palajanjian aijo' i Kiryat-Yearim ka' oboamo mae i Yerusalem.

1 TAWARIKH 15:3

Sahingga i lagamo i Daud iwi-iwi' na mian nu Israel da toka mae i Yerusalem molalin Peti' Palajanjian nu Tumpu oboa i tampat anu pinosadianyomo.

2 TAWARIKH 30:13

I bitu'on ko ohua'nyomo tinokamo mae manjoo' hondo na mian da'isan i Yerusalem molame'akon Sinaa Daka' Roti anu madi' ko Raginyo.

2 TAWARIKH 30:25

Aha mian da'isan nu Yehuda, to ima-imam, to mia-mian nu Lewi ka' to mia-mian anu tinokamo lengkat mae i sasu utara, tiba to mia-mian anu i salipu'an anu jinojoongmo i Israel ka' i Yehuda, iwi-iwi' nongoa'imo kasanangan.

2 TAWARIKH 5:2

Lapas aijo' i Tomundo Salomo nompalentahmo iwi-iwi' na to pola-polaya' nu aha tulunan nu bansa ka' aha sa'anakan mae anu minsoop bansa Israel da sihuk mae i Yerusalem, da olalinmo na Peti' Palajanjian nu Tumpu lengkat mae i Sion oboa mamba i Laigan nu Tumpu.

2 TAWARIKH 5:6

I Tomundo Salomo ka' mian da'isan iwi-iwi' sinihukmo i ahop nu Peti' Palajanjian aijo' lantas nonsombahkonmo hi Tumpu domba ka' sapi' anu madi'mo pinoko bilang na konjoo'nyo.

NEHEMIA 8:1

I bitu'on anu kinopopitu'nyomo mian nu Israel tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha iwi-iwi' sinihukmo i Yerusalem, i popasan, i ahop nu Sabatan Daka' Uee. Aha nompoitamo da Kitab Atulan, nu alamae i Imam Ezra, mian anu pande hondo i Atulan anu binee'mo nu Tumpu hi Musa da opake hi aha mian nu Israel.

MAZMUR 22:25

Kalana Ia madi' mongkahegati anu nohumpakmo kasansala'an, ka' madi' mompopo'ise' mian anu sinansala'mo. Ia madi' mongkamaalin mian anu sumo aijo'mo, panyo mohongo, de aku momoita tulung mae hi Ia.

IMAMAT 14:11

Lantas imam tionyo ahi' momboa ia tiba anu nu sombahkon aijo' i ahop nu sabatan nu Kemah nu Tumpu.

IMAMAT 8:2

“Laga na i Harun tiba to ana-anaknyo ka' boa na baju' nu imam, lanya' anu opake mombalakati, sa'angu' na sapi' lakinyo anu daagi' bata'nyo da bau koloban pongampuni dosa', ohua' na domba lakinyo ka' sa'angu' na loyang na roti anu madi' ko raginyo.

IMAMAT 8:4

I Musa nombaumo apaa na anu pinalentahkonmo nu Tumpu. Salatan iwi-iwi' na mian sinihukmo i tampat aijo',

NOMBILANGMO 20:8

“Ala na tokon anu kiijo' i ahop nu Peti' Palajanjian, lantas beleyum ka' i Harun tionyo ahi' momposihuk iwi-iwi' na mian. I ahop nu aha iwi-iwi', beleyum tionyo ahi' motatae hi bungkutnyo nu batu anu daagi' ikiijo' da molubatakon mae uee. Sumo aijo' na beleyum molubatakon mae uee i bungkutnyo nu batu aijo' da mian da'isan tiba potuu'on nu aha timbali monginum.”

NOMBILANGMO 21:16

Lengkat ikiijo' aha nambamo i tampat anu osanggohi Beer, alati'nyo to bubu-bubung. Ikiijo' Tumpu toho'mo notatae hi Musa, “Palentahkon da mian sihuk mae; Ku bee'imo na aha uee.”

NOMBILANGMO 8:9

Lapas aijo' posihukmo iwi-iwi' na aha mian nu Israel ka' pokau na aha mian nu Lewi tuminjo i ahop nu Kemah-Ku.

SISIKON NU TO RASUL-RASUL 2:1

Salatan tinokamo i sinaa nu Pentakosta, iwi-iwi' mian anu palesaya nosa'angu'mo i sa'angu' na tampat.