IMAMAT 8:23 - KITAB NU TUMPU ALLA LELE MA'IMAI'

²³ lantas nu kolotmo i Musa. Lapas aijo' nu alamo na sangkiding na baso' nu binatang aijo' ka' nu sapuakonmo i bihingnyo anu i sasu koanan i Harun, i kanumpunyo nu limanyo koanan ka' i kanumpu nu tengkenyo koanan.

IMAMAT 8:23 ပူးပေါင်းရင်းမြစ်များ

NOSABATMO 29:20

Lantas kolotmo na domba lakinyo aijo', ala sangkiding na baso'nyo ka' sapuakon i bihing anu i aluknyo sasu koanannyo i Harun ka' hi to ana-anaknyo, hi kanumpu nu lima nu aha koanan ka' hi kanumpu nu tengke koanan nu aha. Labinyo nu baso' aijo' tionyo ahi' nududu'akon i sulapa' opa-opat aijo' i mezbah.

NOSABATMO 29:21

Ala sangkiding na baso' anu aita' i mezbah ka' sangkiding na lanya' anu opake de mombalakati, lantas pipi' na i Harun ka' to ana-anaknyo tiba baju' nu aha. Tiba jalan anu sumo aijo' i Harun tiba to ana-anaknyo tiba baju' nu aha opakemo mokalaja samata-mata hi beleng-Ku.

IMAMAT 14:14

Imam tionyo ahi' mongala sangkiding na baso' nu anak nu domba aijo' lantas monsapuakon i bihing nu mian aijo' sasu koanan i aluknyo, i kanumpu nu lima koanan ka' i kanumpu nu tengke koanan nu mian anu opoto'i binelesi'mo.

IMAMAT 14:17

Lantas sangkiding na lanya' anu dagi' i limanyo tionyo ahi' nu sapuakon i tampat-tampat anu sinapuanmo baso', aijo'mo i bihing koanan sasu aluknyo, i kanumpu nu lima koanan ka' i kanumpu nu tengke koanan hi mian anu pinoto'imo belesi'.

IMAMAT 14:25

Lantas imam tionyo ahi' mongkolotmo anak nu domba aijo' ka' monsapuakon sangkiding baso'nyo i bihing koanan sasu aluknyo, i kanumpu nu limanyo koanan ka' i ka' numpu nu tengkenyo koanan hi mian aijo' anu opoto'i binelesi'mo.

IMAMAT 14:28

Lantas sangkiding na lanya' anu daagi' i limanyo tionyo ahi' osapuakon i tampat-tampat anu sinapuanmo baso', aijo'mo i bihing koanan sasu aluknyo, i kanumpu nu lima koanan ka' i kanumpu nu tengke koanan hi mian anu opoto'i binelesi'mo.

IMAMAT 7:37

Sumo aijo' na to atu-atulannyo mongkona koloban anu opotunu, koloban kaanon anu osombahkon, koloban bau pongampuni dosa', kolobau bau polugi'i, koloban pombalakatian ka' koloban bau pompodame.

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

ROMA 6:19

Kalana mongalati'i, komiu ma'isa moko ala, aku nompake sonto-sonto' tobotuanan da lebe dengke na komiu mangalati'. U'utu mae komiu mombee' butong miu iwi-iwi' salaku botuan nu hahan anu mahenyu ka' anu ma'idek bau kapentingan nu han anu ma'idek. Sumo aitumo mule' tempo' uuka, tionyo komiu monsimpalaakon butong miu iwi-iwi' salaku posaihon mombau pongka'oho' nu Tumpu, apaa na anu nukahanda'i nu Tumpu da miu susi'.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

1 TESALONIKA 5:22

Opatikojo'oni iwi-iwi' na ngangahan nu ka'idekan.

IBRANI 2:10

Memang konanyomo na Tumpu – anu nompotimbalimo iwi-iwi na apaa bau kapentingan-Nyo – ka' nompotimbalimo i Yesus anu momposalamat totu-totu'u, Ia nongoa'imo kasansala'an. Tiba jalan anu sumo aijo' na Tumpu nolagamo mian iwi-iwi' da suele opopodaka' tiba i Yesus. Kalana Iamo na pombuka' jalan hi aha da timbali oposalamat.

IBRANI 5:8

I Yesus atina'mo na Anak nu Tumpu, panyo maumo sumo aijo', Ia binala gulu'mo da timbali tulu-tulutan, aijo'mo Ia nongoa'imo kasansala'an.