IMAMAT 8:15 - KITAB NU TUMPU ALLA LELE MA'IMAI'

¹⁵ Lantas kinolotmo i Musa ka' nongala sambahagian na baso'nyo. Baso'nyo aijo' sinapuakonnyo nu kangkam nu limanyo i tanduk haha aijo' anu pinokona i pasu'nyo nu mezbah, da mezbah aijo' baumo samata-mata anumo nu Tumpu Allah. Labinyo nu baso' dinudu'akonnyomo i paningkokoan nu mezbah. Sumo aijo' na mombau mezbah aijo' da oposusi' ka' samata-matamo anumo nu Tumpu.

IMAMAT 8:15 ပူးပေါင်းရင်းမြစ်များ

2 TAWARIKH 29:24

Lapas aitu mee' haha aijo' pinahang kolotakonmo nu to ima-imam ka' baso'nyo dinudu'akonmo i mezbah salaku koloban pongampuni dosa' nu mian da'isan iwi-iwi'. Han aijo' binaumo nu aha kalana pinalentahkonmo nu tomundo da obau na koloban anu opotunu ka' koloban pongampuni dosa' hi aha iwi-iwi' mian da'isan nu Israel.

YEHEZKIEL 45:20

Bau mule' sumo aijo' kakona itanggan popitu' bitu'onmo ai-aijo' kona hi batu-batu mian anu binaladosa'mo maumo anu madi' tinotonggolakon kabai kalana anu madi' sinumbu'. Tiba jalan anu sumo aijo' na belemiu monjagaimo kasusian nu Laigan-Ku.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

IMAMAT 1:11

Mian aijo' tionyo ahi' mongkolot binatang aijo' i sasu Utara mezbah, lantas to ima-imam tionyo ahi' mondudu'akon baso'nyo i sulapa'nyo opa-opat nu mezbah aijo'.

IMAMAT 1:5

Lapas aijo' okolotmo na sapi' aijo' i ahop nu sabatan nu Kemah. Baso'nyo tionyo ahi' osombahkonmo nu to ima-imam lee' mae i Harun hi Tumpu, lantas odudu'akonmo i sulapa'nyo opa-opat nu mezbah i ahop nu sabatan nu Kemah.

IMAMAT 16:20

De lapasmo na mombau anu bau pomposusi' Salipi' anu Susi' hondo ka' bahagian sangga'at i Kemah nu Tumpu tiba mezbahnyo, i Harun tionyo ahi' monsombahkonmo hi Tumpu mee' anu daagi' tumuu' anu pinile'anmo bau bagi nu Azazel.

IMAMAT 3:2

Mian anu monsombahkon aijo' tionyo ahi' mompotiik limanyo i ubak nu binatang aijo' lantas o kolot i ahop nu sabatan nu Kemah nu Tumpu. To ima-imam lee' i Harun tionyo ahi' mondudu'akon baso' nu sapi' aijo' i sulapa'nyo opa-opat nu mezbah aijo'.

IMAMAT 3:8

Ikiijo' ia tionyo ahi' mompotiik limanyo i ubak nu domba aijo' lantas o kolot i ahop nu Kemah. Lantas imam tionyo ahi' mondudu'akon baso' nu domba aijo' i opa-opat na sulapa'nyo nu mezbah.

IMAMAT 4:25

Imam tionyo ahi' molobongakon kangkam nu limanyo i baso' nu binatang aijo' lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

IMAMAT 4:30

Imam tionyo ahi' molobongakon kangkam nu limanyo i baso' nu binatang aijo', lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

IMAMAT 4:7

Sambagian na baso' aijo' tionyo ahi' o sapuakon i tanduk haha aijo' anu pinaha pokona i pasu'nyo nu mezbah bau pompapuan kamangian anu manohong i uno nu Kemah, ka' labinyo tionyo ahi' odudu'akon i paningkokoan nu mezbah anu bau pompotunuan koloban anu aijo' i sabatan nu Kemah.

IMAMAT 6:30

Binatang anu opotunu pongampuni dosa' anu o ala sambagian na baso'nyo oboa i Salipi' Susi', tionyo ahi' opotunu iwi-iwi' ka' madi' timbali okaan.

NOMBILANGMO 8:12

Lantas aha mian nu Lewi tionyo ahi' mompotiik lima nu aha i ubak nu sapi' lakinyo ohua-ohua' aijo'; sa'angu' tionyo ahi' osombahkon bau koloban pongampuni dosa', ka' sa'angu' mule' bau koloban anu opotunu. Tiba atulannyo anu sumo aijo' aha mian nu Lewi pinosusi'mo.

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

EFESUS 2:16

Kalana Ia sinilakamo pinosalib, i Kristus nomposa'angu'mo ohua' na bansa aijo', ka' nompodamemo aha tiba Tumpu, sahingga madi'mo ko po'uwalian aijo'.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.