IMAMAT 8:13 - KITAB NU TUMPU ALLA LELE MA'IMAI'

¹³ Lantas ia nompokaumo to ana-anak i Harun mokiita' i ahop. Pinopusoknyomo hi aha na kameja' ka' pombutu'. Lantas pinosongko'nyomo na suluban hi aha susumo anu pinalentahkonmo nu Tumpu hi ia.

IMAMAT 8:13 ပူးပေါင်းရင်းမြစ်များ

MAZMUR 132:9

O'amalakon da mian anu pinalesayamo hi Belento montaligalai kalana lame'mo, ka' to ima-imam nu Belento saja' tumuu' montuluti pongka'oho' nu Belento.

NOSABATMO 40:13

Popusok na baju' nu imam hi Harun, ka' opipi'imo nu lanya' na ia da ia mokalaja samata-mata hi beleng-Ku salaku imam.

NOSABATMO 40:16

I Musa nombaumo iwi-iwi' aijo' susumo anu pinalentahkon nu Tumpu.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YESAYA 61:6

Belemiu osanggohije posaihon nu Tumpu ka' osanggohimo imam nu Tumpunto. Belemiu mongoa'ije kakaya'an nu to bansa-bansa ka' bilahimo kalana halata' nu aha.

YEHEZKIEL 42:14

De to ima-imam lapasmo na mokalaja i Laigan nu Tumpu ka' kahanda'mo mamba ipopasan anu isambiha'nyo, saba' baju' anu samata-mata nu pusok nu aha de mokalajamo i Laigan nu Tumpu tionyo ahi' nu po una' nu aha isuo'nyo haha aijo'. Aha tionyoje ahi' mompusok baju' aijo' atina'je ka' aha mamba itampat kasihukan nu mian da'isan.”

IMAMAT 10:5

Aha tinokamo ka' nomboa bangke'nyo haha aijo' panyo daagi' ahi ko baju'nyo puso-pusok, binoamo i sambiha'nyo nu Kemah susumo anu pinalentahkonmo i Musa.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”