IMAMAT 8:1 - KITAB NU TUMPU ALLA LELE MA'IMAI'

¹ Tumpu notatae hi Musa,

IMAMAT 8:1 ပူးပေါင်းရင်းမြစ်များ

1 TAWARIKH 6:49

I Harun lee'nyo kalajanyo nu aha mompapui kamangian, monsombahkon koloban anu opotunu i mezbah, mombau apa-apaa na anu o kalaja i Salipi' anu Susi' hondo, ka' monsombakon koloban bau pongalini dosa' nu aha mian nu Israel. Iwi-iwi' aijo' nubau nu aha susumo anu pinotiju'mo i Musa posaihon nu Tumpu aijo'.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

NOSABATMO 28:41

Popusok na baju' aijo' hi Harun utus nu beleyum ka' to ana-anaknyo. Pipi'i nu lanya' nu zaitun na aha, tiba jalan anu sumo aijo' aha obalakatimo ka' samata-matamo mombau anu Ku palentahkon salaku Imam.

NOSABATMO 29:1

“Sumo uuka na bau-baunyo mombalakati i Harun ka' to ana-anaknyo da aha timbali mombau anu Ku palentahkon salaku imam. Ala na sapi' lakinyo sa'angu' anu daagi' bata'nyo ka' ohua' na domba lakinyo anu madi' ko panyakitnyo.

NOSABATMO 29:29

Baju' anu nupake i Harun de monsombahmo baumo buden nu to ana-anaknyo, da timbali nupusok nu aha de aha obalakatimo.

NOSABATMO 29:9

lantas posongko'mo na suluban hi ubak nu aha. Sumo aijo' na bau-baunyo mombalakati i Harun ka' to ana-anaknyo. Aha ka' lee' nu aha tionyo ahi' mombau apaa na anu Ku palentahkon hi aha salaku imam sampe toka sidu-sidutu'.

NOSABATMO 39:32

Ahennyo jinadimo iwi-iwi' na kalaja nombau Kemah nu Tumpu. Mian nu Israel nombaumo iwi-iwi' susumo anu pinalentahkonmo nu Tumpu hi Musa.

NOSABATMO 40:12

Lapas aijo' pokaumo na i Harun tiba to ana-anaknyo toka mae i sabatan nu Kemah ka' mimbaso'.

IMAMAT 7:38

Tumpu nombee'mo palentah haha aijo' hi Musa i Bungkutnyo nu Sinai tempo'nyo la nompokaumo bansa Israel monsombahkon koloban i padang bola Sinai.

IMAMAT 8:2

“Laga na i Harun tiba to ana-anaknyo ka' boa na baju' nu imam, lanya' anu opake mombalakati, sa'angu' na sapi' lakinyo anu daagi' bata'nyo da bau koloban pongampuni dosa', ohua' na domba lakinyo ka' sa'angu' na loyang na roti anu madi' ko raginyo.

NOMBILANGMO 3:3

Aha binalakatanmo ka' i hangkatmo tinimbali imam, ubak nu aha dinudu'an nu lanya'.