IMAMAT 7:36 - KITAB NU TUMPU ALLA LELE MA'IMAI'

³⁶ I sinaa aijo' Tumpu nompalentahmo bansa Israel da anu nusombahkonmo nu aha obee'mo hi to ima-imam. Atulan aijo' tionyo ahi' otuluti nu bansa Israel sampe toka sidu-sidutu'.

IMAMAT 7:36 ပူးပေါင်းရင်းမြစ်များ

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

IMAMAT 8:12

Lapas aijo' i Musa nombalakatimo i Harun, ia nondudu'akonmo sangkiding na lanya' anu opake mombalakati i ubaknyo.

IMAMAT 8:30

Lapas aijo' i Musa nongalamo sambagian na lanya' anu opake' mombalakati ka' sambagian na baso' anu aijo' i mezbah lantas pinipi'akonnyomo hi Harun ka' i to ana-anaknyo tiba baju' nu aha. Tiba jalan anu sumo aijo' i Musa nompotantumo aha ka' baju' nu aha samata-mata anumo nu Tumpu.

1 SAMUEL 2:28

Iwi-iwi' na tulunan nu bansa Israel olamo aha sa'anakan na pinile'an-Ku da timbali imam-Ku, anu mokalaja i mezbah, mompapu kamangian, ka' mompusok baju nu imam de motataemo mae hi belengku. Ka' hi aha, ka' mule' lee' nu aha binee'an-Kumo hak mongala sambagian koloban anu osombahkon anu tinunuanmo i mezbah aijo'.