IMAMAT 7:35 - KITAB NU TUMPU ALLA LELE MA'IMAI'

³⁵ Kaanon anu sinombahkonmo hi Tumpu, aijo' na bahagian anu obee' hi Harun ka' hi to ana-anaknyo i sinaa aha binalakatanmo timbali imam.

IMAMAT 7:35 ပူးပေါင်းရင်းမြစ်များ

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

NOSABATMO 29:1

“Sumo uuka na bau-baunyo mombalakati i Harun ka' to ana-anaknyo da aha timbali mombau anu Ku palentahkon salaku imam. Ala na sapi' lakinyo sa'angu' anu daagi' bata'nyo ka' ohua' na domba lakinyo anu madi' ko panyakitnyo.

NOSABATMO 29:21

Ala sangkiding na baso' anu aita' i mezbah ka' sangkiding na lanya' anu opake de mombalakati, lantas pipi' na i Harun ka' to ana-anaknyo tiba baju' nu aha. Tiba jalan anu sumo aijo' i Harun tiba to ana-anaknyo tiba baju' nu aha opakemo mokalaja samata-mata hi beleng-Ku.

NOSABATMO 29:7

Lantas ala na lanya' anu opake, de mombalakatimo, dudu'akon aita' i ubaknyo ka' sapuimo nu lanya' na ia.

YESAYA 10:27

Tempo'nyo aijo' Ku pobebasmo na belemiu da bolimo lewa' nu bee'i nu aha palentah Asyur anu saja' mombee'i palentah monsakisa, ka' aha madi'mo daagi' balakuasa mompalentah belemiu.”

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

IMAMAT 8:30

Lapas aijo' i Musa nongalamo sambagian na lanya' anu opake' mombalakati ka' sambagian na baso' anu aijo' i mezbah lantas pinipi'akonnyomo hi Harun ka' i to ana-anaknyo tiba baju' nu aha. Tiba jalan anu sumo aijo' i Musa nompotantumo aha ka' baju' nu aha samata-mata anumo nu Tumpu.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

2 KORINTUS 1:21

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

1 SAMUEL 2:28

Iwi-iwi' na tulunan nu bansa Israel olamo aha sa'anakan na pinile'an-Ku da timbali imam-Ku, anu mokalaja i mezbah, mompapu kamangian, ka' mompusok baju nu imam de motataemo mae hi belengku. Ka' hi aha, ka' mule' lee' nu aha binee'an-Kumo hak mongala sambagian koloban anu osombahkon anu tinunuanmo i mezbah aijo'.