IMAMAT 7:30 - KITAB NU TUMPU ALLA LELE MA'IMAI'

³⁰ Posi ia na tionyo ahi' momboa koloban kaanon aijo'. Lompo'nyo ka' saha'annyo nu binatang aijo' tionyo ahi' osombahkon salaku anu oboa i ahop nu Tumpu.

IMAMAT 7:30 ပူးပေါင်းရင်းမြစ်များ

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

IMAMAT 10:14

Panyo beleyum tiba to ana-anak nu beleyum anu to momo'ane ka' to bou-boune timbali mongkaan saha'annyo anu binoamo sinombahkon ka' pa'anyo anu sinombahkonmo samata-mata baumo anu nu Tumpu. Aijo'mo na bahagian nu to ima-imam o'ala i koloban anu bau pompodame bansa Israel. Belemiu timbali mongkaan iyayamo na tampat anu madi' mahumimi'.

IMAMAT 10:15

Pa'a palasombahan anu samata-mata baumo bagi nu Tumpu, ka' saha'annyo nu palasombahan anu oboa aijo' tionyo ahi' oboa hingga-hinggat tiba lompo'nyo da bau koloban anu opotunu salaku palasombahan anu samata-mata baumo bagi nu Tumpu. Bahagian haha aijo' beleyumo na tumpunyo tiba to ana-anak nu beleyum sampe toka sidu-sidutu', susumo anu pinalentahkonmo nu Tumpu.”

IMAMAT 3:14

Koloban kaanon anu osombahkon hi Tumpu, imam tionyo ahi' monsombahkon baha-bahagian nu mee' aijo'; tohitisnyo anu monsalaputi isi nu kompongnyo,

IMAMAT 3:9

Koloban bau pompodame anu osombahkon hi Tumpu, imam tionyo ahi' monsombahkon baha-bahagiannyo nu domba aijo'; lompo'nyo, sa'a-sa'angu' na ikunyo anu ko lompo'nyo ka' mongkolongakon okeket i kekentutnyo, tohitisnyo anu monsalaputi isi nu kompongnyo,

IMAMAT 8:27

Iwi-iwi' binee'nyomo hi Harun tiba to ana-anaknyo, lantas sinombahkonmo nu aha salaku palasombahan anu obee' hi Tumpu.

IMAMAT 8:29

Lantas I Musa nongalamo saha'annyo nu domba aijo' ka' nonsombahkonmo salaku palasombahan anu obee' hi Tumpu. Aijo'mo na bau bagi i Musa anu o'ala i domba lakinyo anu kinolobanakonmo nombalakati imam. Iwi-iwi' aijo' binaumo i Musa susumo anu pinalentahkonmo nu Tumpu hi ia.

IMAMAT 9:20

i saha'annyo ohu-ohua' nu binatang aijo', lantas nupotunumo i Harun i mezbah.

IMAMAT 9:21

Saha'annyo ka' pa'anyo koanan nu binatang aijo' nu sombahkonmo salaku palasombahan anu oboa hi Tumpu. Aijo' baumo bagi nu to ima-imam susumo anu pinalentahkonmo i Musa.

NOMBILANGMO 6:20

Lantas imam tionyo ahi' montajuakon kaanon aijo' salaku anu obee' samata-mata opadonakon hi Tumpu; aijo' bagian anu susi anu baumo bagi nu imam. Lapas aijo' atina'je ka' mian anu binalaniatmo aijo' timbalimo monginum anggur.

NOMBILANGMO 8:11

Lantas i Harun tionyo ahi' monsombahkonmo aha mian nu Lewi haha aijo' salaku palasombahan nu aha mian Israel hi beleng-Ku, da aha timbali mombau mosia na monsombah Aku.

YOHANES 10:18

Madi' ko samian pe'e moko ala mongala aiya hi beleng-Ku. Aku nombee' posi pongka'oho'-Ku. Aku ko kuasa mombee', ka' ko kuasa po'ule' mongala. Aijo'mo na palentah anu ingalang-Ku hi Tuumang-Ku.”

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

PO'ULE' INGULIT 18:3

De daagi' ko mian monsombahkon koloban sapi' kabai domba saba' pa'anyo anu sasu saha'annyo, ajenyo ka' kompongnyo nu potuu'on aijo' tionyo ahi' obee' hi to ima-imam da bau bagi nu aha.