IMAMAT 7:26 - KITAB NU TUMPU ALLA LELE MA'IMAI'

²⁶ Mian nu Israel, maumo pa' iyamo mae na kajojoongannyo madi' timbali mongkaan baso' nu tomonsi' kabai baso' nu binatang sangga'at.

IMAMAT 7:26 ပူးပေါင်းရင်းမြစ်များ

KAJADIAN 9:4

Anu madi' timbali okaan nu beleyum aijo'mo ponoha' anu daagi' ko baso'nyo, kalana santuu'nyo kiijo' i uno nu baso'.

NOSABATMO 22:30

ka' suele sapi' ka' domba lakinyo anu momona inganakakon. Pobee' pe'e na binatang haha aijo' mojajalan tiba tinanyo pitun sinaa na kopinnyo lantas bee'mo mae hi beleng-Ku i sinaa ko ialunnyomo.

YEHEZKIEL 33:25

Kalana aijo' Tumpu Anu Matangkas na Kuasanyo nompalentahmo mae aku da mompotokakon potuunon-Nyo aiya hi aha, “Belemiu mongkaan antok nu binatang anu daagi' ko baso'nyo; belemiu monsombah pilogot ka' mompatei. Baani hondo na belemiu mongakui tano' aiya belemiumo na tumpunyo.

IMAMAT 19:26

Boli mongkaan baso'. Boli mompake pangatahuan.

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

IMAMAT 7:25

Mian anu mongkaan lompo'nyo nu binatang anu timbali osombahkon bau koloban kaanon hi Tumpu Allah, madi'mo daagi' oposoop mian anu pinalesayamo hi Tumpu Allah.

IMAMAT 7:27

Ihe na molanggai atulan aijo' madi'mo timbali oposoop mian anu pinalesayamo hi Tumpu Allah.

YOHANES 6:53

Lantas i Yesus notatae hi aha, “Palesayamo: De komiu madi' mongkaan butong Anak nu Mian ka' monginum baso'-Nyo, komiu totu-totu'u madi' tumuu'.

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

PO'ULE' INGULIT 12:16

Ola baso'nyo na madi' timbali okaan, panyo tionyo ahi' obubusakon i tano' susumo uee.

PO'ULE' INGULIT 12:23

Panyo antoknyo anu daagi' ko baso'nyo madi' timbali okaan, kalana nyawanyo kiijo' i uno nu baso'nyo ka' belemiu madi' timbali mongkaan nyawanyo tiba antoknyo.

PO'ULE' INGULIT 15:23

Baso'nyo madi' timbali okaan, panyo tionyo ahi' obubusakon i tano' susumo uee.”

1 TIMOTIUS 4:4

Iwi-iwi na anu pinotimbalimo nu Tumpu, aijo' ma'ima' ka' madi' ko sa'angu' pe'e na anu tionyo osangka anu madi' toho' okaan de tinalimamo ka' nontalima kasemo hi Tumpu.