IMAMAT 7:18 - KITAB NU TUMPU ALLA LELE MA'IMAI'

¹⁸ Panyo de toka i ko itolunnyo antoknyo aijo' sabole-bole ahi' okaan, saba' koloban aijo' madi'mo nutalima ka' madi'mo ko balakatnyo hi mian aijo', pakalaus timbalimo anu madi' pantas okaan. Mian anu mongkaan mohumpakmo kasala'an ka' montanggungmo kasala'annyo.

IMAMAT 7:18 ပူးပေါင်းရင်းမြစ်များ

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

YESAYA 65:4

De pihimo aha mambamo i liang ka' i kubulan da mompoita pokinde' i santuu' nu mian anu sinilakamo. Aha mongkaan bau' ka' monginum boulonnyo anu madi' timbali okaan.

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

YEREMIA 14:10

Mongkona bansa aijo', Tumpu notataemo, “Aku madi'mo sinanang hi mian haha aijo' anu saja' mopalai mompala'i Aku, ka' madi' mongka'oho' mongkuasai butong nu aha.”

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

IMAMAT 10:17

“Kadaka' koloban bau pongampuni dosa' aijo' madi' kinaan nu belemiu i tampat anu susi'? Koloban aijo' talalo hondo susi', Tumpu nombee'mo hi belemiu, da dosa' nu aha mian Israel o ampunimo.

IMAMAT 10:19

Tinaaman i Harun, “Memang sinaa aiya aha mian Israel nonsombahkonmo koloban pongampuni dosa' ka' koloban anu opotunu na sinombahkonmo hi Tumpu. Mau mule' sumo aijo', balaa' aiya nontokaimo mae aku. De sinaa aiya aku mongkaanmo ahi' koloban bau pongampuni dosa' aijo', pa' han aijo' sanangmo na Tumpu?”

IMAMAT 11:41

Iwi-iwi' na binatang anu lumajang i tano' mau mule' anu jumolo ka' opat na tengkenyo kabai ko kangkamnyo manjoo', aijo' madi' timbali okaan.

IMAMAT 17:16

De ia madi' mombau sumo aijo', ia tionyo ahi' mongoa'imo hukumannyo.

IMAMAT 19:5

De komiu monsombahkon binatang bau koloban pompodame, batuki na to atu-atulan anu binee'-Kumo da koloban aijo' Ku ala.

IMAMAT 20:17

De ko samian na mo'ane moduhusmo tiba utusnyo boune kabai tiba utusnyo anu sa'a-sa'angu' na tuuma panyo madi' sa'a-sa'angu' na tina, kabai sa'a-sa'angu' na tina panyo madi' sa'a-sa'angu' na tuuma, aha madi'mo daagi' oposoop mian anu pinalesayamo hi Beleng-Ku. Aha nombaumo palabuatan anu madi' talakana', ka' tionyo ahi' mohumpak hukuman.

IMAMAT 20:19

De ko samian na mo'ane moduhusmo tiba dada'nyo, ua-ua'aha tionyo ahi' mohumpak hukuman, kalana nombaumo kasala'an aijo'.

IMAMAT 22:16

ka' de mompojohokmo da okaan nu samian anu madi' ko hak mongkaan. Han aijo' monsaduakonmo mian aijo' mohumpakmo kasala'an ka' monsaduakonmo da mohumpak hukuman na ia. Akumo na Tumpu, ka' Akumo na momposusi' anu osombahkon aijo'.”

IMAMAT 22:23

Koloban anu lengkat i kasanangan nu kinyonyoa, belemiu timbali monsombahkon binatang anu madi' talalo ma'ima' na butongnyo, panyode bau pombayan anu jinanji'mo, binatang anu sumo aijo' madi' otalima.

IMAMAT 22:25

Potuu'on anu i humpak hi mian anu lengkat mae i salipu'an madi' timbali osombahkon bau koloban kaanon. Binatang aijo' o anggap anu ko panyakitnyo madi' timbali otalima.

IMAMAT 5:17

De daagi' ko mian madi' nontonggolakon nombaumo dosa', panyo nolanggaimo sala'sa'angu' na palentah nu Tumpu, mian aijo' sinala'mo ka' tionyo ahi' montanggungmo kasala'annyo.

IMAMAT 7:19

Antoknyo anu nukonamo nu han anu mahumimi' tionyo ahi' opotunu iwi-iwi' ka' madi'mo timbali okaan. Antoknyo nu koloban anu bau pompodame anu timbali mongkaan ola mian anu madi' mahumimi'.

AMOS 5:22

De belemiu momboa koloban anu otunui ka' koloban gandum, Aku madi' montalima. Aku madi' montalima to bina-binatang anu toto lompo-lompo' aijo' anu osombahkon nu belemiu hi belengku. Susumo koloban mompodame.

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

MALEAKHI 1:13

Belemiu notatae, ‘Na osamo na kita nu han aijo' iwi-iwi'’, ka' mule' belemiu madi'mo nompajuli Aku. Belemiu nomboamo mae binatang anu tinomang, binatang anu pengko' madi'mo moko ala lumajang kabai anu masakit aijo'mo na sinombahkon mae hi beleng-Ku. Ugaat koonyo nu belemiu Ku ala na palasombahan nu belemiu aijo'?

NOMBILANGMO 18:27

Palasombahan aijo' sumomo gandum anu sala'je pinadak na sinombahkon ka' anggur suele anu sala'je binau inumon.

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

ROMA 4:11

Ia sinunat i mihinyo, ka' sunatnyo aijo' ola sa'angu' na tanda, kalana Tumpu nontalimamo ia salaku mian anu momposanang kinyonyoa nu Tumpu, kalana palesaya hi Tumpu Allah. Ia tinalima nu Tumpu tempo'nyo ia ma'isa pe'e mombatuki atulan nu sunat. Ka' i Abraham tinimbalimo tuuma i uno nu kapalesaya'an mongkona iwi-iwi' na mian anu palesaya hi Tumpu Allah, ka' anu tinalimamo nu Tumpu salaku mian anu momposanang kinyonyoa-Nyo, mau mule' aha madi' mombatuki atulan nu sunat.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.