IMAMAT 7:14 - KITAB NU TUMPU ALLA LELE MA'IMAI'

¹⁴ Toto sangahan na roti sambahagian na tionyo ahi' osombahkon hi Tumpu ka' aijo' anumo nu imam anu nongala baso' nu binatang aijo' ka' nondudu'akon i mezbah bau koloban pompodame.

IMAMAT 7:14 ပူးပေါင်းရင်းမြစ်များ

IMAMAT 6:26

Imam anu monsombahkon koloban aijo' tionyo ahi' mongkaan i tampat anu samata-mata bau pongkaanan, aijo'mo i natan nu Kemah nu Tumpu.

NOMBILANGMO 18:19

Sampe toka sidu-sidutu', iwi-iwi' na palasombahan anu samata-mata binoamo nu aha mian Israel hi beleng-Ku, Ku bee'mo hi beleyum ka' hi to ana-anak nu beleyum to momo'ane ka' to bou-boune. Atulan aijo' opake sampe toka sidu-sidutu' ka' baumo pompokododo palajanjian anu sabole-bole obaunto tiba lee' nu belemiu.”

NOMBILANGMO 31:29

Bee'mo na aijo' hi Imam Eleazar salaku anu osombahkon samata-mata hi beleng-Ku, Tumpu.

NOMBILANGMO 31:41

Lantas i Musa nompotalimamo hi Imam Eleazar anu samata-mata obee hi Tumpu aijo', salaku anu osombahkon hi Tumpu susumo anu pinalentahkonmo nu Tumpu.

1 KORINTUS 10:18

Sobo palahatikan na to mia-mian Yahudi. Aha anu nongkaanmo kaanon anu osombahkon aita' i bawo nu tampat ponsombahkonan koloban, aijo'mo na to mia-mian anu nosa'angu'mo tiba tampat aijo'.

PO'ULE' INGULIT 18:8

Ia tionyo ahi' mohumpak anu okaan pokakana na konjoo'nyo susumo to ima-imam sangga'at; apaa na anu ihumpaknyomo hi to utu-utusnyo suele anunyomo.”