IMAMAT 6:4 - KITAB NU TUMPU ALLA LELE MA'IMAI'

^4-5 Mian anu ko sala'nyo aijo' tionyo ahi' mombayan iwi-iwi' apaa na anu i humpaknyo aijo' kalana geguan. Salatan ia i humpakmo nombaumo sala', ia tionyo ahi' mombayan iwi-iwi' hi tumpunyo, ka' mombayan mule' uampulu' na palasen.

IMAMAT 6:4 ပူးပေါင်းရင်းမြစ်များ

KAJADIAN 21:25

Panyo ilapas mae i Abraham nompele-pele'mo hi Abimelekh mongkona sa'angu' na bubung anu ingagoanmo nu to posa-posaihon nu tomundo aijo'.

NEHEMIA 5:11

Belemiu tionyo ahi' suele bolimo mompoita samaya' nu belemiu haha aijo' hi mian da'isan anu binasamay'mo hi belemiu aijo' mau doi kabai gandum, kabai anggur kabai lanya' nu zaitun. Sampa sule'akon na ale' nu sosu'anan sangga'at, ale' nu anggur, ale' nu zaitun ka' laigan nu aha!”

AYUB 20:19

Kalana ia lewa'mo nonsakisa mian ka' nomopsusa'mo mian anu kasiasi; ia lewa'mo nongagoi laigan nu mian anu misa' ia na nombau.

AYUB 24:2

Daagi' ko mian anu nondensu'akomo pinontanda'i potempasan, da tano'nyo ewamo. Aha nombulingmo domba manjoo' hondo, ka' pinosoopnyomo i pangkun nu domba nu aha.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 18:18

Panyo mule' ahi' tuumanyo anu saja' mongakali, mombuling, ka' mombau palabuatan ma'idek sangga'at na mate ahi' kalana iwi-iwi na dosa' anu posi ia ahi' na nombau.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

YEHEZKIEL 44:19

De aha mambamo ipopasan anu isambiha'nyo anu kasihukan nu mian, to ima-imam haha aijo' tionyo ahi' mongukatakon baju' pokalaja nu aha i uno nu suo'nyo haha aijo' anu susi' i Laigan-Ku, lantas mompusokmo baju' sangga'at, da baju anu samata-mata opusok mokalaja aijo' madi' monsilakai mian.

IMAMAT 24:18

De ihe na mompatei binatang nu mian sangga'at, ia tionyo ahi' mombolosi. Atulannyo 'nyawa obolosi nu nyawa.'

IMAMAT 24:21

De ihe na nompateimo binatang tionyo ahi' mombolosi, panyo de ihe na nompateimo manusia tionyo ahi' obee'i hukuman mate.

IMAMAT 4:12

jadi iwi-iwi', ola bahagian anu pinosi potademo na tionyo ahi' oboa i sambiha' nu kemah. Ikiijo' mae sapi' aijo' tionyo ahi' opotunu i kau' anu pinosunmo i tampat pongalinan abu' aijo'mo tampat anu pinosadiamo samata-mata mongkona han aijo'.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

ZEFANYA 1:9

Ku hukumo na mian iwi-iwi' anu monsombah susumo mian anu madi' monsumbu' Aku, ka' anu mombuling ka' anu lewa' mompatei da bau pongalapan bau pomposukup isi nu laigan nu tuan nu aha tiba to bala-balang anu ingagoan.”

MALEAKHI 1:13

Belemiu notatae, ‘Na osamo na kita nu han aijo' iwi-iwi'’, ka' mule' belemiu madi'mo nompajuli Aku. Belemiu nomboamo mae binatang anu tinomang, binatang anu pengko' madi'mo moko ala lumajang kabai anu masakit aijo'mo na sinombahkon mae hi beleng-Ku. Ugaat koonyo nu belemiu Ku ala na palasombahan nu belemiu aijo'?

NOMBILANGMO 5:7

mian aijo' tionyo ahi' mongakui dosa'nyo ka' mombayan bau polugi'i sampe tabayan ka' otuangi mule' uampulu' na palasen, hi mian anu pinolugi'nyomo.