IMAMAT 6:2 - KITAB NU TUMPU ALLA LELE MA'IMAI'

^2-3 Toto samian tionyo ahi' monsombahkon koloban de ia baladosa'mo hi Tumpu kalana madi' mongka'oho' monsule'akon balang anu pino una' hi ia nu sangalunyo, kabai nongakalimo mian, nontomangmo balang nu sangalunyo kabai i humpaknyomo na anu nolapusmo, panyo mojalo ka' binasumpa'mo.

IMAMAT 6:2 ပူးပေါင်းရင်းမြစ်များ

KAJADIAN 26:7

Salatan mian haha kiijo' mae lewa'mo noleleki i Ribka, i Ishak nontaami tukoonyo, aijo' utus ise'nyo misa' bengkele'nyo. I Ishak nabuhuk mo hi mian haha aijo' dumo saidi' mae nu pateimo nu aha na ia ka' nu alamo nu aha na i Ribka anu handa hondo aijo'.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

AMSAL 24:28

Boli timbali sakisi hi mian sangga'at de madi' ko anu osumbu sumbu' na han nu palakala aijo, bolimo mule' mombaleko'i ia.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 24:16

Lengkat mae i puusnyo nu dunia na onyi' nu nyanyian mompuji' Israel, bansa anu tulu-tulutan hi Tumpu. Panyo silakamo na aku! Aku mongoa'imo kasusa'an. Mian anu saja' mombau palabuatan anu ma'idek daagi' ahi' saja' mombau palabuatan ma'idek ka' aha ola mule' ahi' mompaka bau palabuatan anu ma'idek.

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YEREMIA 9:5

Iwi-iwi' mompaha aka-akalimo madi'mo ko anu motatae sahondo-hondonyo. Nganga' nu aha kinobisa'nyomo nu baleko' madi'mo nu poko pala'i nu aha na dosa' nu aha. Buhingison nompaka buhingisonmo mongakali nompaka pongakalimo sabole-bolemo saja nu bau nu aha aha madi'mo hondo-hondo montalima Tumpu.

YEHEZKIEL 40:46

ka' mule' laigan anu mongahopi utara pinosadia da bau kajojoongan nu to ima-imam anu mokalaja imezbah. Iwi-iwi' na imam haha aijo' tionyo ahi' lee' i Zadok. Kalana hi tulunan mae nu bansa Lewi ola hi lee' i Zadok na timbali mangadap hi Tumpu mombau apaa na anu Nu palentahkon monsombah Ia.

IMAMAT 1:3

De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

IMAMAT 19:11

Boli mombuling, mongakali kabai baleko'.

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

IMAMAT 5:19

Aijo'mo na koloban bau polugi'i kalana kasala'an anu binaunyomo hi Tumpu.

IMAMAT 6:1

Tumpu nombee'mo atulan haha aiya hi Musa.

AMOS 8:5

Belemiu notatae i posi butong nu belemiu, “Ibe na kinopinnyo na sinaa mombau lamean. Ku kahanda'i da lia-lia' opobaluk na gandumto, panyo lamean aijo' madi' sampa lapas. Hipian na sinaa nu Sabat lapasmo, da kita kahanda' mobaluk mule'? Kita mongka'ima'i mobaluk mompake jalan anu madi' ma'ima', ka' mongakali nu takalan ka' mongakali nu timbangan.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

SISIKON NU TO RASUL-RASUL 5:4

Tano' aijo' anu nu beleyum tempo'nyo, ma'isa pe'e pinobaluk nu beleyum. Ka' salatan tano' aijo' pinobalukmo doinyo mule' daagi' saja' anu nu beleyum. Jadi kadaka' daagi' ko makisut i uno nu kinyonyoaum mombau anu sumo aijo'? Misa' mian na nubaleko'i, panyo Tumpu!”

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

KOLOSE 3:9

Boli mompaha aka-akali samian ka' samian, kalana kantumuu'an anu nanau'mo tiba sipatnyo iwi-iwi' ilapasakonmo miu.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.