IMAMAT 6:18 - KITAB NU TUMPU ALLA LELE MA'IMAI'

¹⁸ Sampe toka sidu-sidutu' batu-batu mo'ane lee' i Harun timbali mongkaan roti aijo', aijo'mo na bagi nu aha anu saja' o ala i kaanon anu osombahkon hi Tumpu. Mian sangga'at anu sala' mongkanyang kaanon anu kinolobanakonmo aijo' mohumpak balaa' kalana mahoson hondo na kasusi'annyo.

IMAMAT 6:18 ပူးပေါင်းရင်းမြစ်များ

NOSABATMO 29:37

Bau na aijo' sansina-sinaa pitun sinaa na kopinnyo. Sahingga mezbah aijo' timbalimo susi'; maumo pa' apaa na anu jinadimo bahagian nu mezbah aijo' tionyo ahi' obee'mo hi Tumpu, ka' maumo ihe na soo' mompadis, mohumpak bahaya kalana mahoson hondo na kasusi'annyo.”

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

IMAMAT 4:24

Ia tionyo ahi' mompotiik limanyo i ubak nu binatang aijo' lantas o kolot i sasu utara nu mezbah, tampat pongkolotan binatang koloban anu opotunu.

IMAMAT 4:3

De anu baladosa' Imam Daka', sahingga bansa Israel suele sala'mo, ia tionyo ahi' mongkolobanakon sa'angu' na sapi' lakinyo anu daagi' bata'nyo ka' anu madi' ko panyakitnyo hi Tumpu da dosa'nyo o ampuni.

IMAMAT 4:33

Ia tionyo ahi' mompotiik limanyo i ubak nu binatang aijo', lantas o kolot i sasu utara nu mezbah tampat pongkolotan binatang koloban anu opotunu.

IMAMAT 6:10

Salatan koloban aijo' tinimbalimo abu', imam mompusokmo saluan kodo' ka' juba' hude lenan na kina'ut tionyo ahi monsahukimo abu' anu ko lompo'nyo aijo' i mezbah ka' mompo'una' i sambiha'nyo koko mezbah.

IMAMAT 6:19

Tumpu nombee'mo hi Musa atulan haha aiya,

IMAMAT 6:27

Mau mule' ihe kabai pa' apaa na anu nukona nu antok nu potuu'on aijo' mohumpak balaa' kalana mahoson hondo na kasusi'annyo. De sa'angu' na baju' nu pinjitimo nu baso' nu binatang aijo' baju' aijo' tionyo ahi' obaso'i i tampat anu samata-mata pombaso'ian.

IMAMAT 6:29

Batu-batu mo'ane anu i uno nu auan nu to ima-imam timbali mongkaan koloban anu susi' hondo aijo'.

IMAMAT 7:6

Batu-batu mo'ane anu i uno nu auwan nu to ima-imam timbali mongkaan antoknyo nu koloban aijo' panyo aha tionyo ahi' mongkaan i tampat anu samata-mata bau pongkaanan, kalana koloban aijo' susi' hondo.

NOMBILANGMO 18:10

Aijo' susi' hi belemiu, jadi tionyo ahi' okaan nu belemiu i tampat anu susi' suele. Ola to momo'ane na timbali mongkaan.

NOMBILANGMO 18:8

Tumpu notataemo hi Harun, “O'inau'! Iwi-iwi' na anu sinombahkonmo samata-mata hi beleng-Ku anu madi' pinotunu belemiu na tumpunyo. Aijo'mo na bagi miu anu tinantukanmo sampe toka sidu-sidutu'. Aijo' Ku bee'mo hi belemiu ka' hi lee' nu belemiu.

1 KORINTUS 9:13

Kita Utus tantu monsumbu' saba' te mian anu mokalaja i Laigan nu Tumpu mohumpak kaanon nu aha lengkat i Laigan nu Tumpu. Ka' to mia-mian anu mongkalesang tampat nu ponsombahkonan koloban, mohumpak sambagian koloban anu osombahkon i kiijo'.

1 PETRUS 1:16

I uno nu Kitab nu Tumpu tinulismo, “Tionyo ahi' belemiu susi' kalana Aku susi'.”

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.