IMAMAT 6:16 - KITAB NU TUMPU ALLA LELE MA'IMAI'

^16-17 Labinyo nu labu tionyo ahi' obaumo roti anu madi' ko raginyo ka' okaan nu to ima-imam i tampat anu samata-mata bau pongkaanan, aijo'mo i natan nu Kemah nu Tumpu. Aijo'mo na bagi nu to ima-imam anu binee'mo nu Tumpu hi aha anu ingala i koloban kaanon. Kaanon aijo' susi' hondo, sumomo koloban anu bau pongampuni dosa' ka' koloban bau polugi'i.

IMAMAT 6:16 ပူးပေါင်းရင်းမြစ်များ

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

NOSABATMO 12:8

Pihi-pihimo aijo' ahi' na antoknyo o tunui ka' okaan tiba utan anu mapakat ka' roti anu madi' ko raginyo.

YEHEZKIEL 44:29

Anu pontumuu' nu aha gandum anu opalasombahkon, tiba koloban anu bau pohapusi dosa' ka' mule' koloban anu bau pombolosi lugi'; ka' mule' sinin na apaa na anu tinungka'akonmo hi beleng-Ku aijo' tionyo ahi' obee'mo hi aha.

IMAMAT 2:3

Labihnyo nu koloban anu sinombahkonmo baumo bagi nu to ima-imam. Koloban aijo' susi' hondo kalana ingala i kaanon anu sinombahkonmo hi Tumpu.

IMAMAT 5:13

Sumo aijio' na imam monsombahkon koloban bau pontobus dosa' nu mian aijio', sahingga ia nu ampunimo nu Tumpu. Labu labinyo aijo' baumo bagi nu imam, susumo biasa obau mongkolobanakon gandum.

IMAMAT 6:23

Batu-batu koloban anu osombahkon nu mian tionyo ahi' opotunu iwi-iwi', sangkunyit pe'e madi' timbali okaan.

IMAMAT 6:26

Imam anu monsombahkon koloban aijo' tionyo ahi' mongkaan i tampat anu samata-mata bau pongkaanan, aijo'mo i natan nu Kemah nu Tumpu.

NOMBILANGMO 18:8

Tumpu notataemo hi Harun, “O'inau'! Iwi-iwi' na anu sinombahkonmo samata-mata hi beleng-Ku anu madi' pinotunu belemiu na tumpunyo. Aijo'mo na bagi miu anu tinantukanmo sampe toka sidu-sidutu'. Aijo' Ku bee'mo hi belemiu ka' hi lee' nu belemiu.

1 KORINTUS 5:8

Jadi imbo' da kita molame'akon bau-bauonto aijo' nu roti anu madi' ko raginyo, aijo'mo roti anu monggambanakon kabelesi'an ka' iwi-iwi' anu nuka'ima'i nu kinyonyoa nu Tumpu. Boli kita molame'akon bau-bauon nu Paskah aijo' nu roti anu ko raginyo pininmo, aijo'mo ragi nu dosa' tiba ka'idekan.