IMAMAT 5:7 - KITAB NU TUMPU ALLA LELE MA'IMAI'

⁷ Panyo de mian anu ko sala'nyo madi' moko ala momposadia domba kabai mee' bau pontobus dosa'nyo, ia tionyo ahi' momboa tomonsi' sapatau lakinyo tiba behenyo kabai tomonsi' malapati' anu daagi' bata'nyo, sa'angu' bau koloban pongampuni dosa' ka' sa'angu' mule' bau koloban anu opotunu.

IMAMAT 5:7 ပူးပေါင်းရင်းမြစ်များ

IMAMAT 12:6

De lapasmo na tempo'nyo momposusi' kalana nompohampemo anak mo'ane kabai anak boune, boune aijo' tionyo ahi' momboa anu osombahkon hi imam i ahop nu sabatan nu Kemah nu Tumpu. Anu osombahkon aijo', aijo'mo sa'angu' na anak nu domba umunnyo sataunmo bau koloban anu opotunu, ka' sa'angu' na tomonsi' malapati' anu daagi' bata'nyo kabai tomonsi' sapatau anu daagi' bata'nyo bau koloban pongampuni dosa'.

IMAMAT 12:8

De boune aijo' madi' moko ala mompotouka sa'angu' na anak nu domba, yo ia tionyo ahi' momboa ohua' na tomonsi' malapati' anu daagi' bata'nyo kabai tomonsi' sapatau anu daagi' bata'nyo; sa'angu' bau koloban anu opotunu ka' sa'angu' mule' na koloban bau pongampuni dosa'. Imam tionyo ahi' sabole-bole mombau adatnyo bau pompobelesi'i humimi' nu boune aijo', sahingga ia timbalimo belesi'.

IMAMAT 14:30

Lapas aijo' imam tionyo ahi' monsombahkon sa'angu' na tomonsi' malapati bata'nyo kabai sapatau bata'nyo,

IMAMAT 14:31

bau koloban pongampuni dosa', ka' sa'angu' mule' sangga'at bau koloban anu opotunu, hingga-hinggat tiba koloban kaanon anu osombahkon. Sumo aijo'mo na imam mombau anu pomposusi' mian aijo' hi ahop nu Tumpu.

IMAMAT 15:30

Sa'angu' na tomonsi' tionyo ahi' osombahkon bau koloban pongampuni dosa', ka' sa'angu' mule' bau koloban anu opotunu. Tiba jalan sumo aijo' imam mombaumo anu bau pomposusi' boune aijo' i ahop nu Tumpu.

IMAMAT 16:5

Lantas mian nu Israel tionyo ahi' mombee' hi Harun ohua' na mee' lakinyo bau koloban pongampuni dosa' ka' sa'angu' na domba lakinyo bau koloban anu opotunu.

IMAMAT 27:8

De mian anu binalaniatmo talalo kasiasi ka' susa' na mombayan olinyo anu tinantukanmo, ia tionyo ahi' momboa mian anu sinombahkonmo hi Tumpu aijo' mamba hi imam. Imam tionyo ahi' montantukan olinyo anu lebe dengke ka' anu nupoko ala nu mian aijo'.

IMAMAT 5:11

De mian anu ko sala'nyo madi' moko ala momposadia tomonsi' sapatau behenyo tiba lakinyo kabai tomonsi' malapati' bau koloban pongampuni dosa', ia tionyo ahi' momboamo labu sa'angu' na kilogram. Labu aijo' madi' timbali ogalo'i nu lanya' nu zaitun kabai tiba kamangian, kalana koloban aijo' te koloban bau pongampuni dosa', misa' koloban kaanon anu osombahkon.

IMAMAT 7:1

Aiyamo na to atu-atulannyo mongkona koloban bau polugi'i. Koloban aijo' talalo hondo susi'.

IMAMAT 9:3

Lantas pokau na bansa Israel monsombahkon sa'angu' na mee' lakinyo bau koloban pongampuni dosa' ka' sa'angu' na anak nu sapi' tiba sa'angu' na anak nu domba toto sa'angu' umunnyo sataunmo ka' madi' ko panyakitnyo da bau koloban anu opotunu.

NOMBILANGMO 5:6

atulan haha aiya kona hi mian Israel: De daagi' ko mian anu madi' montuluti Tumpu kalana nombaumo kasala'an hi mian sangga'at,

NOMBILANGMO 6:10

I sinaa ko ialunnyo ia tionyo ahi' momboamo ohua' na tomonsi' mapalati' kabai tomonsi' sapatau hi imam i sabatan nu Kemah nu Tumpu.

NOMBILANGMO 6:11

Tomonsi' sa'angu' tionyo ahi' osombahkon nu imam bau pongampuni dosa', ka' sa'angu' mule' bau koloban anu opotunu da madi'mo ia mahumimi'. I sinaa aijo' mule' ia tionyo ahi' po'ule' mule' mompotuu' ubaknyo bau samata-mata pongangga'i Tumpu

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

MATIUS 21:12

Lapas aijo' i Yesus ninsoop nokiijo' i Laigan nu Tumpu ka' nolaa' iwi-iwi' na mian anu mobalu-baluk i kiijo'. Ia nombalikakon to meja-meja' anu pontolosian doi, ka' to bangku-bangku nu anu mompobaluk tomonsi' malapati'.

MATIUS 3:16

Ilapas pinalamandikan, i Yesus lia-lia' nosabat lengkat mae i uee nu kaunyo aijo'. Madi' pinin langit tinabuka'mo ka' i Yesus nontoamo Roh nu Tumpu nintatau' sumo tomonsi' malapati' aita' i buan-Nyo.

LUKAS 2:24

Aha mule' ko niat monsombahkon koloban, atina'mo beheenyo ka' lakinyo, tomonsi' sapatau, kabai ohua' na tomonsi' malapati' anu daagi' bata'nyo, sumo anu tinantukanmo nu Atulan nu Tumpu.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.