IMAMAT 5:2 - KITAB NU TUMPU ALLA LELE MA'IMAI'

² De daagi' ko mian anu sinala'mo kalana anu madi' ototonggolakon tinimbalimo nahumimi', kalana nonsala' kanyangmo anu mahumimi', susumo bangke' nu binatang ka' lapas mae sininsumbu'je apaa na anu binaunyomo.

IMAMAT 5:2 ပူးပေါင်းရင်းမြစ်များ

MAZMUR 19:12

Posaihon nu Belento pinokinde'anmo nu atulan aijo' iwi-iwi; daka' hondo na tambonyo obee' hi mian anu mohongo-hongo.

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

IMAMAT 11:8

Antoknyo madi' timbali okaan ka' bangke'nyo mule' madi' timbali osala' kanyang kalana binatang aijo' madi' timbali okaan.

IMAMAT 4:13

De anu baladosa' aha iwi-iwi' mian nu Israel, panyo sinaduakon nu anu madi' tinotonggolakon panyo nolanggaimo sala'sa'angu' na palentah nu Tumpu,

IMAMAT 5:17

De daagi' ko mian madi' nontonggolakon nombaumo dosa', panyo nolanggaimo sala'sa'angu' na palentah nu Tumpu, mian aijo' sinala'mo ka' tionyo ahi' montanggungmo kasala'annyo.

IMAMAT 5:3

De daagi' ko mian anu sinala'mo kalana madi' nontotonggolakon nongkanyangmo anu mahumimi', anu lengkat mae hi manusia, ka' lapas mae sininsumbu'je apaa na anu binaunyomo.

IMAMAT 5:4

De daagi' ko mian anu sinala'mo kalana binasumpa'mo i han anu madi' totu'u da mombau maumo pa'a apaa, ka' lapas mae sinsumbu'je apaa na anu binaunyomo.

IMAMAT 7:21

De ko mian mongkaan antoknyo nu koloban aijo' padahan ia nongkanyangmo anu mahumimi', mau anu lengkat hi manusia mau pe'e lengkat i binatang, ia suele madi'mo oposoop mian anu pinalesayamo hi Tumpu Allah.

HAGAI 2:13

Lapas aijo' po ule' mule' pinokilawa i Hagai, “De bisuanyo daagi komian anu nahumimi'mo kalana ia nonsala' kanyangmo mian anu sinilakamo ka' lapas aijo' ia monsala' kanyang mule' sala'sa'angu' na anu okaan pa' kaanon aijo' suele jadimo mahumimi'?” To ima-imam nontaami, “Ii' memang ahi' nahumimi'mo!”

NOMBILANGMO 19:22

Pakakas anu nusala' kanyangmo nu mian anu nahumimi'mo aijo' suele mahumimi'mo, ka' mian sangga'at anu monsala' kanyangmo ia, mahumimi'mo suele sangkutnyo sinaa makasinsapmo.

LUKAS 11:44

Silaka na komiu! Komiu sumo kubun anu madi' ko paliasa'nyo, anu nu peja-peja' nu mian kalana madi' nu sumbu'.”

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

PO'ULE' INGULIT 14:8

Boli' mongkaan bau'. Binatang aijo' madi' timbali okaan, kalana mau mule' konukunyo mobiha' ohua', panyo kaanonnyo anu nu kaan nu lonyom lantas madi' po'ule' nu ama'. Antoknyo madi' timbali okaan, anu nosi pate na binatang aijo' madi' timbali o kanyang.