IMAMAT 5:16 - KITAB NU TUMPU ALLA LELE MA'IMAI'

¹⁶ Mian aijo' tionyo ahi' mombayan apaa na anu u'utu mae kinolilimannyomo, ka' montuangi mule' uampulu' na palasen. Lapas aijo' ia tionyo ahi' mombee'mo binatang aijo' hi imam, ka' imam mongkolobanakonmo bau pontobus dosa' nu mian aijo' sahingga nu ampunimo nu Tumpu.

IMAMAT 5:16 ပူးပေါင်းရင်းမြစ်များ

MAZMUR 69:4

Aku lewa'mo nomoita tulung sahingga aku nalawemo ka' mule' gogohongku pinakamo hondo. Matangku naposmo hondo na lewa' montanda'i Tumpungku pa' hipian mae na montulungi aku.

NOSABATMO 22:1

“Ihe na mombuling sa'angu' na sapi' kabai domba, lantas kinolotnyomo kabai pinobaluknyomo, sa'angu' na sapi' tionyo obolosi nu olima' na sapi' ka' sa'angu' na domba obolosi nu opat na domba.

IMAMAT 22:14

De samian na anu misa' sa'anakan i imam saintolo-tolo mongkaanmo kaanon anu sinombahkon hi Tumpu, ia tionyo ahi' mombolosi hi imam opaka tuangi uampulu' na palasen.

IMAMAT 27:13

De mian aijo' ka'oho' montobus binatangnyo, ia tionyo ahi' mombayan olinyo ka' otuangi mule' uampulu' na palasen.

IMAMAT 27:15

De mian aijo' kahanda' montobus laigannyo ia tionyo ahi' mombayan olinyo ka' montuangi mule' uampulu' na palasen.

IMAMAT 27:27

Panyo binatang anu madi' timbali okaan anu momona pino anak timbali otobus sumo angga'nyo anu biasa opake i Kemah nu Tumpu ka' otuangi mule' uampulu' na palasen. De madi'mo otobus, binatang aijo' timbalimo opobaluk hi mian sangga'at sumo angga'nyo anu biasa opake i Kemah nu Tumpu.

IMAMAT 27:31

De ko mian mongka'oho' montobus sambagian na hasinnyo aijo' ia tionyo ahi' mombayan olinyo anu tinantukanmo otuangi mule' uampulu' na palasen.

IMAMAT 4:20

Mombau anu susumo aijo', sumomo mombau anu osombahkon na sapi' lakinyo bau koloban pongampuni dosa'. Sumo aijo' na Imam Daka' monsombahkon koloban anu bau pontobus to dosa-dosa' nu mian hi Tumpu, sahingga dosa' haha aijo' nu ampunimo nu Tumpu.

IMAMAT 4:26

Lapas aijo' iwi-iwi' na lompo'nyo nu binatang aijo' tionyo ahi' opotunu i mezbah, susumo koloban anu bau pompodame. Sumo aijo' na Imam monsombahkon koloban pontobus dosa' nu samian anu montoongi kakuasa'an, sahingga mian aijo' nu ampunimo nu Tumpu.

IMAMAT 5:10

Lapas aijo' imam monsombahkonmo tomonsi' anu ko ohua'nyo bau koloban anu opotunu susumo koonyo nu atulan. Sumo aijo'mo na imam monsombahkon koloban pontobus dosa' nu mian aijo', sahingga ia nu ampunimo nu Tumpu.

IMAMAT 5:13

Sumo aijio' na imam monsombahkon koloban bau pontobus dosa' nu mian aijio', sahingga ia nu ampunimo nu Tumpu. Labu labinyo aijo' baumo bagi nu imam, susumo biasa obau mongkolobanakon gandum.

IMAMAT 5:6

Ka' bau pontobus dosa'nyo, ia tionyo ahi' momboa sa'angu' na domba kabai mee' behenyo osombahkon hi Tumpu. Imam tionyo ahi' monsombahkon koloban aijo' da dosa' nu mian aijo' o ampuni.

IMAMAT 7:2

Binatang anu okolobanakon tionyo ahi' o kolot i tampat pongkolotan binatang koloban anu opotunu, lantas baso'nyo odudu'akon i opa-opat na sulapa'nyo nu mezbah.

NOMBILANGMO 5:7

mian aijo' tionyo ahi' mongakui dosa'nyo ka' mombayan bau polugi'i sampe tabayan ka' otuangi mule' uampulu' na palasen, hi mian anu pinolugi'nyomo.

NOMBILANGMO 5:8

Panyo de mian anu pinolugi'nyomo aijo' sinilakamo ka' madi' ko to utu-utusnyo kabai anu daagi' hondo julunyo mae, saba' anu bau polugi'i aijo' tionyo ahi' obee'mo hi Tumpu ka' timbalimo bau bagi nu imam. Bau polugi'i aijo' madi' minsoop na domba lakinyo anu opake pontobus dosa' hi mian anu sinala'mo aijo'.

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

1 SAMUEL 6:3

Lantas tinaamanmo nu aha, “Peti' Palajanjian nu Tumpu Allah Israel aijo' ola da asan osule'akonmo, panyo tionyo ahi' otoukai na tambonyo bau pontokong dosa' nu belemiu. Da tiba jalan anu sumo aijo' ma alinmo na panyakit nu belemiu, da osumbu' nu belemiu kadaka' Tumpu Allah nu aha Israel aijo' saja'mo nohukum belemiu.”